lunedì 17 settembre 2007

E senza tì...

Per Paolo (Grasie de tutt)

Quèst l'è el mè primm esperiment de poesia in meneghin. :)

E Senza tì

Ta seet on sogn perduu tra i nìvoli
La anima de on passaa che al cerchi

Cammini in on bosch, te trovi no
Ma senti che seet chi, cont mi.

Te seet el ventusel che sbragia tra i alberi,
Quand pensi che sunt sola.
Mi acaresi i cavei e me porti via.

Te seet el osean che sorrid quand a ghù no pagura.
E me dacqua i pee nei nòtt de la siora luna.

Te seet ona stèla che me guida anmò
Quand l’è no nisciun a chi dumandà.

Chiudi i oeucch, te trovi no
Ma senti che te seet chi, cont mì,
E el vent me regala on tò basin.

Te seet el sol.

1 commento:

Paolo ha detto...

Be l’è no on sogn
Sont desedaa
Si, al sò, ai volt
manca proppi el fiaa...
Sospirà in de la nocc
Se alza el vent e poeu,
Nagott...
Stessa storia tucc i volt ,
ma adess, scolta,
hoo sentii, scolta, ...ma doè?
L’era el vent, no,
no ghe nè,
forzi el loff,
Ma và? Chi n’ha ved pù,
Sarann i strij che ballen biott,
Che fan el lor barilott,
Ma no, ma dai, hinn no lor.
Gh’è chi dis: gh’ha credi no, ma
Però a vessigh gh’hinn...
Ecco, varda proppi là,
Gh’è ona lus che la lusiss,
Che ghe sia on PC pizzaa?
Sì varda, gh’è on messagg,
L’è per mì, ma che bell,
L’è in rima, da no cred,
sont content, l’è bell-bell!
Grazie!
(Paolo)

 
Contrato Coloriuris