E adèss, pizzica

Verament, ghoo de faa ona de quei cos che ghee pensaria minga de faa. Quei settimana indrè, vist che mì soni el tamburèll, el mè prof de italian me ghaa propost de sonà ona pizzica. Ghoo accettà, on po pensierosa, perché sapevi giamò che la musica tradizional galiziana del sud de Itàlia in general l'è tropp velos.

Alora, ier quand sont andada foeura del lavorà ai tri, ghoo ciapà el autobus, ghoo lassà el bors e ghoo ciapà i cos de la scoeula (perché dopu ghavevi lezion)e el tamburell. Ghoo aspetà, poeu semm andà, prima al departament de italian, e poeu al aula magna. (Cont el mè prof de italiann e on alter prof... senza commenti!... vabbè.. se hinn comportà ben :D)

Per faa on son simil a quei de la pizzica ghoo de faa on po de pratica. Per prima ròba, hinn duu tamburelli diversi, (el mè l'è pussee piscinnin) alora, ghoo de addattà el ritmo. Quel de la Puglia anca se sona de on modo divers, inveci de moeuv la man che ciapa el tamburell, moeuven l'alter man. In general in Galizia se faa al contrari. eccett in alcuni zoni cont alcuni tipi de canzon. Anca se sonen i tamburelli grandi, ma mì quei el ghoo no, e el so minga sonal :D





Sinistra: tamburèll galizian. Dèstra: tamburello pugliese :D

Comunque, adèss che gh'hoo el cd e gh'hoo tutt el fin settimana (Poeu che el sabet ghoo no teater perché part de la gent l'è andà a Madrid incoeu)

Gh'èe ona ròba curiosa... Gh'hoo trovà dei cos comuni tra quèst tipo de musica e la musica tradizional galiziana: el balli, i vestiti, (in el cd che me ghaan daa me ghaan passaa anca on videi...!) la tecnica de cant l'è simil e i testi hinn pussee o men strutturà in de la stessa manera.

Alora, g'hho faa ona ricerca in su la storia pre-romana de la Puglia, e ghoo trovà quest (Italia donna):

"Tra el VII e el IX sec., però, la region l'è stà attaccada da Longobardi, Franchi (Lucera, 802) e Saraceni, che, gradualment, occuparon le località principali dei regioni, e lassen a Bisanzio domà el Salento (con Otranto e Gallipoli).

I Longobardi ghaan occupà el Gargano, Canosa e poeu Brindisi (633), Taranto, Bari etc., intant i Saraceni, che ghaveven inizià col colpì dei costi, vers metaa del IX, comincuen a sostituì ai Longobardi, finché quasi tùta la region se troeuva unificada sotto l'istess podè.

Domà Bari, che l'è diventà sede de un emirato, fra Grech, Longobarth, Franchi, Saraceni e a voeulte con el aiutt dei Veneziani (1002), hinn reuscidi a mantegnì on ciccinin de autonomia."

Magari l'è per quest. vist che, chi al cognoss, el sa che la musica galiziana l'è de origin celtich, e l'è simil a la musica irlandesa :D

La Linea!!

El "zio Manolo" me ghaa fa cognoss quest bèll personaggi.. ghaa cercà de inganamm per vidè se ricognossi el milanès subit... la diseva che era in ingles... hahaha... Ingannet minga a mì...

Bellissimm!!

Davide Van de Sfroos- Pica!

Stag attent, perché quest ann vegnarann foeura tanti disc in milanès... E el primm l'è stà el mes pasaa, Davide Van de Sfross ghaa publicaa "PICA!"

Dal 8 di quest mes, l'`e nei negozzi, e el 19 april ghee sarà on concert al Datch forum (Assago- Milàn)

Fin settimana.. e brutta notizia.

Quest fin settimana l'è stà interessant.

Dopu de ona settimana de stress in el lavurà e esami, (Lavurà ok, esami el so no) e de scoprè che gh'è on alter professor che me fa "diventà nervòsa" , ghoo avüu ona rappresentazion de teater (la prima) in un local in de la zona center de la cittaa. Gh'èmm faa duu rappresentazioni, (Anzi, mì ghoo faa vuna, perché gh'èmm duu personi per fà el personaggi de la madre, alora prima el ghoo fa mì, e poeu l'alter, e l'alter persona andava a dà el via ai lus e musega... Ghinn foto, sperem che me el manden per podè mettel.

Dopu de la rappresentazion, ghemm cenà e semm andà via, mì sont minga andada a cà anmò. Sont andada in gir con vun dei fioeu argentin (senza commenti..) me fa rid el fatt, vust che quei or indrè diseva che el facevi diventà nervos per come el guardavi o el toccavi (la s'ciena, eh???) Comunque ghoo da dì che fin adèss nessun ghaa superà ai amis che hoo incontrà a Milàn... XDDD

Purtropp par che el forum umanista europeo a Milàn l'è sospess fin a ottober, alora appena risparmi i danee vo... DA PAR MÌ!!!! :D (Mèj inscì)

Donn de Milàn:Beatrice d'Este

Beatrice d'Este la nasc in 1475, a Ferrara. L'è stada ona dei principess pussee bèll e istruii del Rinasciment Italiann. Tosa di Ercole I d'Este, duca de Ferrara, e de Eleonora de Aragona, tosa de Ferdinando I de Napoli, e sorèlla de Isabella d'Este, ona dei donn pussee important de la coltura italiana.

L'è stada fidanzada cont Lodovico Sforza (El mòro) duca de Bari, reggent e anca poeu duca de Milàn, cont chi se l'è sposada in 1491. In el 1492 la vegn a Venezia cont el sò marì, che aspirava a diventà Duca de Milàn. L'è stada circondada de artisti e gent de coltura come Niccolò da Correggio, Benardo Castiglione, Bramante, Leonardo da Vinci, l'Amadeo... Anca se s'interessava minga de politega, quand el sò marì diventa duca de Milàn, lè l'era chi verament comandava in de la cort de Milàn. Bèla e feròce, slontana a tucc i amanti del sò marì. Morì de part.

Lavorà???

Incoeu, dopu de vess ciamada e avegh realizzà alcuni test, gh'hoo comincià on cors per lavorà. L'è on cors de tri dì, ma l'è de on discors interessant, vist che l'è per attivà servizzi telefonici in ona compagnia e disattival in on alter.

Ghee sont staa tant or de corsa (e doman pussee) ma sont contenta. Compàgni simpatich, instrussioun che paren no difficili, e ona mattinna occupada. Poeu in teoria dovariom passà on mes de proeuva e poeu lor deciden se continuarèmm ò ben no.

Conseguenza de quèst? Che l'è possibil che magari poeuda no andà al forum umanista europeo (4-6 apríl) e alora, non podaroo minga vedè al Paolin, né ai mè amis, né a nissun dei groupi che me piasen... MA in quest caso, lavoreroo, e metteroo da part i danee, quindi quand ciapassi i feri podaria andamm, e anca per pussee temp :D

Che fin settimana!

Quèst fin settimana me sont minga fermada!

Venerdì sira me sont trovada cont la Vane e cont alcuni amis e semm andà in gir fin i cinc de la mattinna. Quèsta volta gh'hoo no bevuu tant, ma gh'hoo ballà tant. Prima semm andà in on caffé brasilian e poeu semm andà in gir cont i sò amis. Gh'hoo ballà come ona lòcca.

El sàbet me sont levada-in scì in scì anca se sont rivada tardi- Per andà all'attivitaa de conoscenza personal de Entrebarrios, vist che gh'hoo besogn de imparà a rilassàmm. L'è minga andà mal. Poeu, pussee tard, dei provi cont el test del grup de teater (Tra ona settimana ghe sarà la prima in on pub de Vigo...!) riunion del grup umanista, me sont mess appost on ciccinin (me sont travestida de stria) e tanti de num semm andà in ona fèsta. Gh'hoo sonà el tamburell perché duu dei tosann che hinn adrè a imparà el ball galizian, gh'hoo conosciuu gent tant simpatich, ghemm balà on ciccinin e ghemm cenà on piatt de Ecuador (Prima voeulta per mì) On dei fioeu del associazion me ghaa dett pussee tard de andà in gir cont lu, ma l'è poduu minga vess e sont rimasta a la festa. Mi sont divertida l'istess.

E incoeu nagott, ghoo avuu on dì pussee tranquill, anca se de sira sont andada da la Vane perché me ghaa domandà de insegnal on ciccinin de ingles per parlà cont on sò amis svizzer (Peccà che l'è in de la part tedesca, he, he,he) E verament, in del inizzi seri on po nervosa perché sont no bituada a insegnà, ma va ben, pian pian...

Incroci i dit per tornà a Milàn in april, anca se andaria cont l'associazion saria ona bona scusa per vidè a una quai persona... E anca a tutt el rest :D. Cont on po de fortuna magari riesci anca ad andà a vidè a on quai grup de musica che ma pias... Incroci i dit! Sperem che poeuda rismarmià tucc i danee da par mì e che nissun me rovini i speranzi...