domenica 8 giugno 2008

Lassa pur che el mond el disa..

El cognoscevi no questa canzon de Giovanni d'Anzi, ma comunque l'è on consigli che gh'hoo de seguì... Tel chi el test...


Lassa pur che el mond el disa



Se sa che a parlà de Milan se fa minga fadiga,
cun tanti argument per i man el discurs el scarliga
ciapem per esempi i semafor che grand meraviglia
te par de vedè tanta gent a bala la quadriglia

Lassa pur ch'el mond el disa ma Milan l'è un gra Milan
porta Cica e la Bovisa e i d'intorni propi san
e la nebbia che belezza la va giò per i pulmun
e quand fiocca, che gioia gh'è el parco e i bastiun
per scià senza andà al Mottarun
fa nagott se poeu pieuv, andemm gio a tamburlun
in la pucia a pucià el panettun.

Se sa che a Milan gh'è in progett la metropolitana
però ogni dì stu prugett semper pu el se sluntana
in cambi num sèm che in pittura Milan la fa scoela
gh'è inturna domà cartellun de furmac Gurgunzola.

Lassa pur ch'el mund el disa ma Milan l'è un gran Milan
el Carrobi e la via Brisa el carett di ciapa can
se te ve sul Montemerlo par de vess a San Venssant
cosa l'è Montecarlo, San Remo, Menton
in confront de l'Olona e el Tombon
a Paris gh'è la Senna el Danubi l'è blu
ma a Milan ghè el Navili e poeu pùu.
un bel piatt de busecca con dent i borlott
un oss buss cont intorna el risott
un litrott de quel bon cont'on bel minestron
fan content ogni milaneson.

4 commenti:

Anonimo ha detto...

El Test, minga el Testi!

Ciao! :-)

Franc

Brianzolitudine ha detto...

Mì che sont brianzoeu
ricognossi la granda
bellezza de quej vial
de quej cà milanes
dei i scior, oppur mej, de
l'umil periferia:
Lambraa, la Bovisasca
el Giambellin. Se vardi
fora dal finestrin
del treno quand mi vò
da Milan a Torin
me vegn on grand magon
quand partissi da la
stazion de Garibald
e vardi quej cà vecc
pien de vita e de storia
arent al mè vagon.

Anonimo ha detto...

Se te varda foera del finestrin
quand te passet par Corbetta
sora la linea Milan-Torin
mira ben vers el campanin
ghè sora el Pier che el te saluda cont el fazzolettin!

Pier

Anonimo ha detto...

Ma, soo no se'n pensee violter, ma mi el tren el me fa 'gnì 'l magon....

Ciao Pier!

Franc

Beausoleil is coming to town! :-)

 
Contrato Coloriuris