La forsa de la vita

Oeucc serrà,
Gh’hoo minga voeuja de pensà...
Doman chi el sà chi l’è visin
O chi el andarà,
la gent la gir e gira.

E se mi vardi innanz
L’è la forsa de la vita
Te tegni per man
Me guardet in dei oeucc
E senti in del me corp un quaicos...

E se mi vardi indrè
Ripeti anmò el tò nòmm
Chi el sà quant domand
Chi el sà quant dolor
Te gh’è passà dolz amor...

Respiri la natura
E senti la pieouva che borla giò
Me domandi se sont segura
Se l’è quest che el me fa sorrid

Ma troeuvi i tò messagg
E tutt i domandi hinn sparì
Seet tì, chi el fa
Che me levi sù tucc i dì.

Se te vedet in dei mè oeucc
Seet la forsa de la vita
Ciapa el me coeur, ndem foeura de chi
Che adèss domà voeuri viv….

Concentrada in dei mèi sògni

Cominci a cercarà la manera de che i mèi sògni ciapen forma, e comincien a realizzass. Pensi minga inscì tant al temp, domà al obbiettivi, (come fann i pazienti buddisti) Ghoo pensà a molti dei mèi obbiettivi per quest ann quand l'è apena comincià, e in realtà, ghee provi. Pensi minga de arrendem.

Magari ghinn ona para de obbiettivi pussee importanti dei alter, el primm l'è tornà a Milàn. Ovviament, sont adrè a mett danee da part adèss che lavori, per ona part. Per on alter, sont adrè a cercà dei alternativi al pass per Madrid o Barcellona, e ghee on alternativa tant interessant, che l'è ciapà on autobus da Vigo fin all'aeroport de Oporto. Ghinn dei linei regolari de andada e ritorni da la stazion de autobus fin all'aeroport de Oporto. L'unich inconvenient el saria che ghavaria de andà foeura de la stazion de Vigo tante ori prima del voli... Almen tri o quatter, he,he.

L'alter obbiettivi important l'è el svilupp artistich. Adèss l'è on ciccinin fermi, specialment per la scoeula e i esami che ghoo tra poc (duu de cinès, quatter de inglès e cinqu de italiann) ma quand la scoeula la finirà, metteroo tutta la mè energia su quest.

Adèss semplizment speti. Speti, ma concentrada, a la fin dei lessiouni. Aspetti e sogni.

La mè meiga!

Promettevi de pubblicà i immagini de la meiga (stria) che ghavevi faa cont la pasta de modelaggi...

E tela chi! :)

Pizzica!

Giovedì l'è stà el "grand dì". Sì, infàti, ghoo dovuu sonà el tamburèll, ona canzon del sud de Itàlia ciamada "U Santu Paulu". Ma vabbè, cominciom dal inizi. Tutt l'è comincià quand Fabio - el mè professor de italiann- me ghaa propost de sonà el tambuèll in del festival cultural. Ghoo accettà quasi senza de pensass duu voeult. Ghoo da di che i provi sont staa dei situazion strani per mì: El prim dì de proeuva, gh'èren domà Fabio e Marco (on alter professor) che anca ghaan sonà in del festival, la ghitara e la fisarmònica. Prima sérom in del departament de italiann (cont dei prof che entraven e andaven foeura tutt el temp) ma poeu, serom andà in del aula magna. Ghoo de recognoss che me ghaan dovuu da ona man (o duu per riescì a ciapà el ritmo de la canzon, e inveci, adess che el pensi, se somiglia tant a la jota punteada galiziana :D

Lunedì ghemm dovuu faa on alter proeuva, ma circondaa di alcuni compagni de italian che voeureven imparà a ballà. Quèsta voeulta gheren tucc, anca i duu fioeu che gh'avevén de cantà, e i balloeur che hinn venuu da la Puglia ad insegnà el cors. L'è stada ona proeuva avèrta a la gent de italiann, quindi sérom circondadi dei professori... (Uffa...!) Ma comunque, per mì l'è stà quasi come vess in famiglia, conoscevi a ona grand part de la gent, ha, ha, ha. Alcuni personi me ghaan faa i complimenti per come ghavevi sonà e me ghaan domandà da quant temp al foo... Beh, quei cos... Simona ed Alessandro (i balloeur) me ghann ringrazià almeno tri o quatter voeulte per avegh partecipà (l'è minga inscì important, al ghoo faa cont tant piasè) Poeu sont andada foeura.

El dì dopu ghavevi ona mail de Fabio: Me domandava indoe sont andada, perché gheran andà tucc a bè on quaicos e mì seri no. ha, ha, ha, al capita... Era l'istess ona situazion tant strana per mì :D Adèss in sul seri, al sapevi no, e seri tant stracca... Al par che Fabio l'è cors indrè a mì, ma mì ghoo cors pussee de lù :D. Quel dì sont andada cont lor a bé on quacos dopu de la proeuva, e verament, me vergognavi on ciccinin: Alessandro e Simona sapeven pussee de mì de quel che pensavi, ha, ha, ha. (Fidass mai de on prof de italiann... Consigli de esperta!)

Finalment, giovedì ghemm avuu el festival. Seri nervosa, ma ghoo goduu tant. Credi de avegh superà ona speci de blocch. TAnt gent me ghaa faa anmò i complimenti, e quand sond salida, Marco me ghaa dett de andà al departament de italiann on moment... E va e la dis: "Quest ghavaria de fal el capo de studi... ma vist che l'è giamò andà..." On regalo. Sì, gheva on regalo par mì e on alter per l'alter tosa (che era giamò andada) da part del departament de italiann. L'eva da immaginà che fudessi on bon regalo: on liber de lettura :D

E nagott,dopu ghem andà anca a bé on quaicos, questa voeulta anca l'è rimasta on alter professora e alcuni compagni de la mè class. Fabio me ghaa dett che quest'anno me boccia domà per famm partepà l'ann che vegn anmò. (che cattiv! Se vegni bocciada al 5º, ghoo de faa duu ann!) Me sont divertuda, ma l'era d'immaginà, seri on po triste... L'era rivada la fin!!!!

Quand sont tornada a cà e el ghoo contà su a la mè mama, lè me ghaa dett duu cos:

- Che ghavaria de domandà ai prof de italiann de scriv on quaicos denter al liber (Ghavevi minga pensà)
- Che come mai ghavevi no domandà la e-mail ai balloeur (ghavevi pensà, ma el ghoo minga faa, ha, ha, ha.)

Vabbè, pensi che quèst l'è tutt... Speri de podè ottegnì i documenti grafich :D

E adèss, pizzica

Verament, ghoo de faa ona de quei cos che ghee pensaria minga de faa. Quei settimana indrè, vist che mì soni el tamburèll, el mè prof de italian me ghaa propost de sonà ona pizzica. Ghoo accettà, on po pensierosa, perché sapevi giamò che la musica tradizional galiziana del sud de Itàlia in general l'è tropp velos.

Alora, ier quand sont andada foeura del lavorà ai tri, ghoo ciapà el autobus, ghoo lassà el bors e ghoo ciapà i cos de la scoeula (perché dopu ghavevi lezion)e el tamburell. Ghoo aspetà, poeu semm andà, prima al departament de italian, e poeu al aula magna. (Cont el mè prof de italiann e on alter prof... senza commenti!... vabbè.. se hinn comportà ben :D)

Per faa on son simil a quei de la pizzica ghoo de faa on po de pratica. Per prima ròba, hinn duu tamburelli diversi, (el mè l'è pussee piscinnin) alora, ghoo de addattà el ritmo. Quel de la Puglia anca se sona de on modo divers, inveci de moeuv la man che ciapa el tamburell, moeuven l'alter man. In general in Galizia se faa al contrari. eccett in alcuni zoni cont alcuni tipi de canzon. Anca se sonen i tamburelli grandi, ma mì quei el ghoo no, e el so minga sonal :D





Sinistra: tamburèll galizian. Dèstra: tamburello pugliese :D

Comunque, adèss che gh'hoo el cd e gh'hoo tutt el fin settimana (Poeu che el sabet ghoo no teater perché part de la gent l'è andà a Madrid incoeu)

Gh'èe ona ròba curiosa... Gh'hoo trovà dei cos comuni tra quèst tipo de musica e la musica tradizional galiziana: el balli, i vestiti, (in el cd che me ghaan daa me ghaan passaa anca on videi...!) la tecnica de cant l'è simil e i testi hinn pussee o men strutturà in de la stessa manera.

Alora, g'hho faa ona ricerca in su la storia pre-romana de la Puglia, e ghoo trovà quest (Italia donna):

"Tra el VII e el IX sec., però, la region l'è stà attaccada da Longobardi, Franchi (Lucera, 802) e Saraceni, che, gradualment, occuparon le località principali dei regioni, e lassen a Bisanzio domà el Salento (con Otranto e Gallipoli).

I Longobardi ghaan occupà el Gargano, Canosa e poeu Brindisi (633), Taranto, Bari etc., intant i Saraceni, che ghaveven inizià col colpì dei costi, vers metaa del IX, comincuen a sostituì ai Longobardi, finché quasi tùta la region se troeuva unificada sotto l'istess podè.

Domà Bari, che l'è diventà sede de un emirato, fra Grech, Longobarth, Franchi, Saraceni e a voeulte con el aiutt dei Veneziani (1002), hinn reuscidi a mantegnì on ciccinin de autonomia."

Magari l'è per quest. vist che, chi al cognoss, el sa che la musica galiziana l'è de origin celtich, e l'è simil a la musica irlandesa :D

Fin settimana.. e brutta notizia.

Quest fin settimana l'è stà interessant.

Dopu de ona settimana de stress in el lavurà e esami, (Lavurà ok, esami el so no) e de scoprè che gh'è on alter professor che me fa "diventà nervòsa" , ghoo avüu ona rappresentazion de teater (la prima) in un local in de la zona center de la cittaa. Gh'èmm faa duu rappresentazioni, (Anzi, mì ghoo faa vuna, perché gh'èmm duu personi per fà el personaggi de la madre, alora prima el ghoo fa mì, e poeu l'alter, e l'alter persona andava a dà el via ai lus e musega... Ghinn foto, sperem che me el manden per podè mettel.

Dopu de la rappresentazion, ghemm cenà e semm andà via, mì sont minga andada a cà anmò. Sont andada in gir con vun dei fioeu argentin (senza commenti..) me fa rid el fatt, vust che quei or indrè diseva che el facevi diventà nervos per come el guardavi o el toccavi (la s'ciena, eh???) Comunque ghoo da dì che fin adèss nessun ghaa superà ai amis che hoo incontrà a Milàn... XDDD

Purtropp par che el forum umanista europeo a Milàn l'è sospess fin a ottober, alora appena risparmi i danee vo... DA PAR MÌ!!!! :D (Mèj inscì)

Che fin settimana!

Quèst fin settimana me sont minga fermada!

Venerdì sira me sont trovada cont la Vane e cont alcuni amis e semm andà in gir fin i cinc de la mattinna. Quèsta volta gh'hoo no bevuu tant, ma gh'hoo ballà tant. Prima semm andà in on caffé brasilian e poeu semm andà in gir cont i sò amis. Gh'hoo ballà come ona lòcca.

El sàbet me sont levada-in scì in scì anca se sont rivada tardi- Per andà all'attivitaa de conoscenza personal de Entrebarrios, vist che gh'hoo besogn de imparà a rilassàmm. L'è minga andà mal. Poeu, pussee tard, dei provi cont el test del grup de teater (Tra ona settimana ghe sarà la prima in on pub de Vigo...!) riunion del grup umanista, me sont mess appost on ciccinin (me sont travestida de stria) e tanti de num semm andà in ona fèsta. Gh'hoo sonà el tamburell perché duu dei tosann che hinn adrè a imparà el ball galizian, gh'hoo conosciuu gent tant simpatich, ghemm balà on ciccinin e ghemm cenà on piatt de Ecuador (Prima voeulta per mì) On dei fioeu del associazion me ghaa dett pussee tard de andà in gir cont lu, ma l'è poduu minga vess e sont rimasta a la festa. Mi sont divertida l'istess.

E incoeu nagott, ghoo avuu on dì pussee tranquill, anca se de sira sont andada da la Vane perché me ghaa domandà de insegnal on ciccinin de ingles per parlà cont on sò amis svizzer (Peccà che l'è in de la part tedesca, he, he,he) E verament, in del inizzi seri on po nervosa perché sont no bituada a insegnà, ma va ben, pian pian...

Incroci i dit per tornà a Milàn in april, anca se andaria cont l'associazion saria ona bona scusa per vidè a una quai persona... E anca a tutt el rest :D. Cont on po de fortuna magari riesci anca ad andà a vidè a on quai grup de musica che ma pias... Incroci i dit! Sperem che poeuda rismarmià tucc i danee da par mì e che nissun me rovini i speranzi...

Virus?

Ier el mé pc l'è andà completamente in crisi.

In scì in crisi che i mèi documenti spariron. El racconto che stavi adrè a scriv, la musica, ecc. Disaster.

Ghè sunt vanzaa mal, ma dopu a ghù vist tutt de un alter manera. I archivi de musica a in assolutamente facil de ritruvà. Per un alter part, el racconto... L'è stà incòmod perché seri a la pagina 25, ma quest magari signifiga che al poeudi fa megli. Infatti me sunt incorgiuda de che la musica celtiga me inspira, e me sunt no incorgiuda prima. Anzi, al sapevi.. Da piscinnina.

Quindi adèss sunt cuntenta... In fondo...