Fantasia 5

A l'è un paradòss...

2011-07-02T16:56:00.000+02:00

Cor indrè ad un tram ed un bus caregà con ona mega bòrsa del Lidl...

Benvenuda a Milàn, Anahí...

NO al spot de la RAI

2010-12-11T21:58:00.000+01:00

DISEM TUCC INSEMA "NO" AL SPOT DE LA RAI IN SUI DIALÈTT!!!

Regordèmm a tucc che hinn lengu vivi, che gh'haan besògn de vess studià a protètt come in di alter paès.

Chi gh'avii puu dati in sui motivi de la protesta

http://linguedialetti.splinder.com/post/23717285/lannunciato-tormentone-rai-per-il-canone-lo-spot-in-tanti-dialetti-e-i-fratelli-ditalia-e-noi-siamo-sempre-figli-unici

2010-11-28T22:21:00.000+01:00

Conossii a quest personàgg de animassioun?

El se ciama La Linea, e l'è un personagg creà in 1969 da Osvaldo Cavandoli, e doppià per Carlo Bonomi. Inizialment l'è stà creà per divers campagni de pubblicità. Finalment el diventa un personàgg de animassioun riconosciuu da tant, ma la lèngua l'è conosciuda da pocch.

Ho leggiù in su tant fori e videi, discussioun in su la lengua in che parla: Inglès? Francès? Italiàn? Ungherès? Spagnoeu? Ona lengua inventada? Inveci no.

L'è ona lengua che vialter conossuu ben, la lengua misteriosa e dimenticada l'è milanès :)

La forsa de la vita

2010-10-11T21:48:00.003+02:00

Oeucc serrà,
Gh’hoo minga voeuja de pensà...
Doman chi el sà chi l’è visin
O chi el andarà,
la gent la gir e gira.

E se mi vardi innanz
L’è la forsa de la vita
Te tegni per man
Me guardet in dei oeucc
E senti in del me corp un quaicos...

E se mi vardi indrè
Ripeti anmò el tò nòmm
Chi el sà quant domand
Chi el sà quant dolor
Te gh’è passà dolz amor...

Respiri la natura
E senti la pieouva che borla giò
Me domandi se sont segura
Se l’è quest che el me fa sorrid

Ma troeuvi i tò messagg
E tutt i domandi hinn sparì
Seet tì, chi el fa
Che me levi sù tucc i dì.

Se te vedet in dei mè oeucc
Seet la forsa de la vita
Ciapa el me coeur, ndem foeura de chi
Che adèss domà voeuri viv….

Ve ciami cont collaborassioun...

2010-09-09T16:00:00.000+02:00

Allora, hoo besògn de ona man.... Son adrè a cercà i canzonètt del Nino Rossi. Hoo domà trovà quatter canzon:

Ai sò dusent ann
Bella Milàn
L'intenzion la gh'era
Montagna de San Sir

Se on quavun el troeuva di alter el me fà un piasè....

e adèss ve lassi el testi de Montagna de San Sir.

MONTAGNA DE SAN SIR

Pussee che un mòntagn l'è un monton de terra
che la natura in verd la quattarà
Inscì sarà sconduu i orror de guerra
E fra un quai ann nessun ricorderà
che quel che ciamen ona montagna ormai
L'è fada de macerie e catanai
dei noster catanai dei nost casètt
che anca a tòcch sortissen el sò effett

'Me te seet bèla in controlùs stasera
te guardi e te me paret vera
te see costada lagrime e sospir
tomba de noster cà
montagna de San Sir

Per mètt insema tutta sta montagna
Gh'è ve besogn de inglès e american
Lor ghaan de sta bon per la vergogna
Num sporch de sang chi tocch del nost milàn
La guerra l'è finida tucc amis
Dimentichem tusscoss, vivem in pas
Ma se combinassioun gh'è passi arént
La mia casetta la me torna in ment.

'Me te seet bèla in controlù stasera
te guardi e te me paret vera
te see costada lagrime e sospir
tomba de noster cà
montagna de San Sir

Suggeriment...

2010-08-27T14:11:00.000+02:00

Hoo besògn de suggeriment.

Ròb da fà per vègh impegnà el cò.

I idèi che hoo hinn minga sufficent.

El ma pias tropp!!!

2010-05-16T17:54:00.000+02:00

Pòver milanès!!!!

Quel fioeu de la ATM...

2010-04-22T22:45:00.001+02:00

Staa- trist

Canzon- Gianna Nannini- Attimo

Sont trist. Pensierosa. Hinn passà mesi ma me recordi. Me recordi de quand seri a Gratosoeu, e on giovin conducent, pensi de autobus, el diseva, cont on sorris “bondì”. Mì gh’hoo rispost, anca con on sorris. E gh’hoo andà innanz per el mè percors. El regordi minga se era on conducent de tram o de autobus, pussee probabilment la seconda. Là i passen duu tram, el 3, e il 15, e la linea 79 de autobus. E el fioeu el spetava alcuni minutt prima de partì anmò. In quel moment gh’hoo dett no alter. Perché gh’avevi Fabio. Ma riconossi, gh’hoo minga tolt puu a quel fioeu in de la cò. E me penti, de avegh minga aggiunt on quaicos alter.

El poeudi minga trovà. Sont tornada a cà. E el so minga perché, ma el regordi. Magari mi penti de avè minga daa còrd. Magari mi ingani e cerchi de pensà no in de la mè vid trist e crudele. Sont minga puu a Milàn. E in puu, la primavera l’è rivada. E la primavera la me fa sentì in on staa stran e assurd. Chi l’è lü? Come el se ciama? Sarà stà on prodòtt de la mè immaginassioun quel meraviglios sorris? El so no. Domà so che el regordi. E che nissun el me pod aiutà.

Giò un ciccinin

2010-03-03T16:49:00.000+01:00

Staa: Giò un ciccinin
Canzon: Verdena: Ovunque

Incoeu a sont giò on ciccinin. Sont a Bologna. Ma pias on fioeu de on bar e l'è da dì che el vedi no. On dei fiolitt a chi curi el se gh'haa ammalà quindi doman sarò tutt el dì ciapada... E in puu incoeu gh'hee minga bel temp e tucc i fioeu la me ignoren xDDD

Gh'hoo anca avuu ona bèla notizia ma voeuri minga anticipà on nagott perché l'`e minga segura. Incrosi i dit. .

Videi interessant!!!

2010-01-21T18:06:00.002+01:00

Ve consigli quest videi chi:

http://www.facebook.com/l.php?u=http%3A%2F%2Flinguedialetti.splinder.com%2Fpost%2F21953586%2FUN%2BMAGISTRALE%2B%2522CORTO%2522%2BSULLA%2BDI&h=1336c3ee2dfcc310f4b3ac395a1d154f

Béll!

Profònd Solitùden...

2009-10-30T14:34:00.003+01:00

Staa: Tist
Canzonn: Counting Crows: Colorblind

Solitùden.

Solitùden profònda.

Sont rimanuu intrapolada in del tunnel, la ràbia la gh'haa explotaa, la ricerca de la mè pas interior la se impolsa.

Felis Samhain a tucc.

Sfògh

2009-10-02T13:44:00.000+02:00

Dì scur, dì de fatiga,
El dolor el va anmò su,
Pensi al dì che te hoo cognosuu,
pensi a la nott che te hoo perduu,

de sògni dolz che cerchen el lor destin,
de realtà amara che la fa soffrì.

Adèss cerchi on sens a la mè vita,
che la corr senza fermass, senza capì
ier el mè coeur l’è stà ferì
e sont diventada piscinnina.

Ora guardi el ciel e cerchi la madonnina,
che la guarda Milàn senza savè
che el tò amour poterò minga avegh.

Port de Mar

2009-08-21T12:48:00.001+02:00

Da quand sont rivada a Milàn questa terza voeulta, ho notà la fermada de la MM3 "Port de Mar".

Evidentement seri intrigada per el nòmm. La reson de quèst nomm l'è che la zona era destinada a creà on port fluvial, che purtropp l'è minga natt...

Curios!!!

La facc de la felicità...

2009-07-28T11:10:00.000+02:00

Mi sont innamorada...

Michael Jackson

2009-06-28T19:20:00.002+02:00

Gh'avevi minga faa in temp a scriv on nagott prima.

Ma dispias tant la mort de Michael Jackson, l'è stà on grand artista, peccà che i sò multipli cambi fisich (innecesari, in cert periodi l'è stà verament fich) e certi pettegolezz gh'haan danneggià la sò immagin.

R.I.P

Nervi

2009-06-05T13:55:00.004+02:00

Staa: pensirosa
Canzonn: Gamba de Legn- Ciapasala no

S'ciao a tucc, incoeu gh'hoo deciss de tornà a scriv, manchen i esami de inglès lunedì e giovedì, ma adèss gh'hoo pussee temp perché gh'hoo no puu lessiouni. I esàmm de cinès hinn andà ben, anca se el dì de l'oral me sont trovada al cap de studi (che l'è giamò scherzos e come gh'hoo giamò dett, me gh'haa daa lessioun) E me gh'haa domandà se seri mì chi el faceva rebelòtt su... (Sì, cert, domandass ad ona che l'è tant silenziosa...:D)Pasiensa.

In quèsti dì sont stada giò on ciccinin perché el so on nagott in sul lavorà. Gh'hoo cercà de ciamà e nagott. El rispond no. E el manca on mes. Evidentement quest la me dispera. Verament, iniziavi giamò a pensà de restà a cà, ma mi rendi cont de che gh'hoo de andà, sì o sì. Capiti quel che el capiti. Infond, la ròba pussee grav che el pod succed l'è che gh'abbia de andà al consolaa e chied on bigliett de ritorni... E speri de rivà no a quei limiti...

Da on alter cant, nei ultimi settimani credi che g'hoo avuu ona specie de colp de fulmin virtual cont on fioeu milanès, la ròba pussee curiosa l'è che el par reciproco... Verament me gh'haa sorpres tant, e par che anca mì gh'hoo sorpes lü. A proposit, indipendentment de quest, l'è rimast impresionaa on ciccinin perché el dis che par che sia giamò compromettuda cont la politica.. Beh, a dila vera, me interessi de puu da alcuni ann...E i mè idei hinn semper i stèss... Pussee o men. La ròba pussee curiosa l'è che con rispett all'Itàlia, certi personi tant chiari nei lor idèi, me ghaan faa cogoss gent (virtualment almen) del mond politich... Sindach, consiglieri e candidaa. Insòma... o_O

Almen me gh'hann ciamà de la ONCE per on còrs de Braille. In realtà lor gh'haan l'obbligh de faa corsi, ma vist che hinn poch de volontaria Vigo, el se organizza quèst in concret ogni cert temp :D

Ona scusa piscinnina...

2009-05-21T11:14:00.001+02:00

Staa: stressada
Canzonn: Vacca- Poco poco poco

Ma dispias scriv minga inscì tant in quest period, ma verament, sont stressada cont i esami e el viagg (E sorattutt sont in pinser)

Voeuri che quest period el passi velos...

Mèrd

2009-05-15T20:15:00.002+02:00

Staa: deprèssa
Canzone: Pesi Piuma-Giorni di Sangue

Incoeu sto mal. Mestrual, rabiada perché i mè fradei sont andà in viagg per prima voeulta (Parigi) e mì a la lor età seri minga andada foeura de la Galizia. Lor hinn giamò stà, cont 15 ann che ghann, a Madrid, a Barcellona e adèss a Parigi.

Gh'hoo no chiar del tutt in sul mè ritorni in Itàlia, che poeud vess ona grand vittoria o on falliment strepitos. In quèsti dì gh'hoo minga novità in sul lavorà, gh'haan de mandamm anmò on document da firmà... Su "Indoe dormì" gh'hoo neanca tutt chiar, sont adrè a vidè i diversi possibilità, ma so minga nagòtt de segur.

Incoeu l'è el solit dì de mèrd in cui gh'hoo voeuja domà de caragnà e mangià. Ultimament vo minga foeura cont amis, tucc hinn incasinà... El so no, sto minga ben. E in puu, tra pocch, esami...

Futur incert.. ogni voeulta pussee...

Campari!!!

2009-05-08T12:51:00.002+02:00

Ier, quand passeggiavi per el center de la mè città, me sont sorprenduu per i numeròs cartèlli con quèsta pubblicità (pussee milanèsa impossibil!)

A mì ricorda ad on dì precis, de la mè seconda voeulta a Milàn... (senza commenti...)

Adrè a lottà...

2009-04-11T22:50:00.002+02:00

Stato d'animo: Pensieros
Canzonn: Davide Van de Sfroos: Pulenta e galena fregia

"L'è mea vèra che nel silenzio
dorma dumà la malincunìa,
l'è mea vèra che un tuscanèll
l'è mea bòn de fa una puesìa.
In questa stanza senza urelògg
bàla la fata e bàla la stria
in questu siit senza la lüüs
che diis tücoos l'è duma' l'umbrìa...."

E adèss, i mè pinseri ballen al ritmi de melodii strani, dubbi che se accolpen on tra on alter in del mè cò. El manchen 81 dì. 81 dì in cui gh'avaroo de librà dei dur battagli conter i mè futuri esami, lassà in ordine i ròb a Vigo. E mett in ordine l'estaa. On'estaa che la sarà strana, magari piena de avventur che ghavaria minga pensà de viv, la darò on pass che pensavi de daa minga mai. On pàss vers el sconosciuu. On pàss, in del che i mascheri de supposti amis hinn adrè a borlà giò, e el se dimostra quant el sien i pèll veri de sincerità. Un'avventur dègn de qualsiasi dei mè ex professouri de italiann.- Gh'hoo pagura, ma cont la pagura la se va minga da nessun post...

La me senti piscinnina.

Sont on disaster, anca se sont minga trist

2009-03-05T20:40:00.001+01:00

Staa: critich
Canzonn: Rihanna- Umbrella

Sont smarrida, estremament smarrida.

Volevi cercà informassioun in su i partii minoritari prìma de votà in del elessioun galiziann. L'hoo minga faa.

Volevi dà i bollini che gh'hoo ripetuu dei letteri al mè papagrand. Me sont scordada completament.

In cinès miracolosament, sont minga stada bocciada, ma in inglès sont stada bocciada in tri de i quatter part.

Come delegada de class sont on disaster, gh'avaria de faa on elench de telefoni e el gh'hoo no faa.

Tra quest, la mè memoria (che la funziona quand la par) E i me paur scenich (che me piasaria superà e tra poc gh'avaroo de affrontà..) diventi locch!

Sfogh! (Cont la mancanza de on alter generi de sfòghi...)

2009-02-28T16:47:00.001+01:00

Staa: pensierosa
Canzonn: Marco Masini- Vaffanculo (L'è minga staa inscì ben dett prima)

La parola l'è pensieros. Sont a Mos, a cà dei mèi nonni paterni, ad aprossimativament quindes chilometer de Vigo. Sì, se sta ben per ona para de dì senza genitori, senza fradei. Sont riflessiva per tucc i ròb che hinn adrè a capità in de la mè vida: On professor ghee lassa, al ritorni dei vacanzi ghavaroo i voti dei esami (Alora sì che vegnaran i mè dì di riflessioun) La mè vida emosiounal l'è verament disordinà (E tutt quel che implica... ve ghii giamò capì..) e me inizia a mancà (on ciccinin) Milàn dopu mezz'ann. Minga puu cont inscì tanta ansietà, ma on ciccinin. E me resta no on nagott, gh'hoo de trovà on lavorà chi, risparmià, ripett i stess processi. Almeno so che gh'hoo el sostegn de quei amis che a chilometer de distanza continuen a sopportà i mè crisi... Qualvun la diseva che Vigo l'è ona "mini- Milàn".) Magari la zona industrial(specialment la Avenida de Madrid, indoe gh'hinn tanti ditt cont edifici enormi) l'è ona mini-Milàn. Per el rest...

Domattina gh'hoo de andà a Vigo. A part de vess giamò domenica, gh'hoo de votà. Gh'hoo mandà on messaggi a la mè mama per savè se l'è rivada la lettera in de la qual disen la scoeula, el tavol e tutt quell. Pasiensa. A voeult pensi che el saria pusee pratich creà el propri parti politich e fregass de quel grupètt...

Sont anca contenta perché continui a scriv el mè romanz, anca se adèss me sont bloccada on ciccinin e sont rabiada... On quai consigli? Magari on "brain storming..."

Me poeudi minga lamentà, in quèsti dì gh'hoo avuu duu regali: On palmare cont telefonin, che me ghaa daa on dei mè zii (Per avè minga inscì tanti rob sora...) E on scherm per el mè pc, che el mè l'è giamò on po distrutt e sont adrè tucc i nott a colpi.. L'era da temp che pensavi de comprà on scherm o on portatil. El problema del portatil l'è che in del pc gh'hoo on apparecchi de televissioun e se poeud minga mett in del portatil... :S

Addí, Juan

2009-02-27T20:40:00.000+01:00

Staa: Trist
Canzonn: Los Piratas- Muertos

La notizia del suicid Juan Campos Paz, professor de musica in diversi scoeul (Tra questi, Escuelas Nieto, in la qual gh'hoo studià i ultimi quatter ann de scoeula obbligatoria) l'è borlà giò come se on quaivun me versass acqua frecc. Probabilment tanta alter gent el gh'haa anca sentì inscì. La notizia me gh'haa sorpres mercoledì, quand andavi foeura de cà per andà in piscina. El dolor me gh'haa dominà e gh'hoo minga poduu evità che i miei lagrimi el borlassen giò per i mè guanci. El gh'hoo vist per ultima voeulta on quai mes indrè. Gh'avaria minga poduu immaginà on quaicos de quest generi, l'unica ròba che gh'avevi avvertì l'è che gh'aveva voeuja de parlà.

In del funeral gh'hoo caragnà giamò. Me vergogna caragnà inscì, in puu gh'even tanti dei mèi ex professour de quèla scoeula. Gh'hoo ricordà i sò lessioun, i sò paroli, la tenerèzza che emanava cont el sò mod de vess, bon e anca apparentement tranquill. Però gh'hoo anca ricordà momenti in cui sont stada visina a commett quèla ròba da lòcch che l'è el suicidi. Per fortuna, in del moment on quaivun me gh'haa fermada.

Cerchi de asimmilal... Ma gh'hee riesi no...

Senza internet?

2009-01-26T09:05:00.001+01:00

Staa: rabiada
Canzonn: Amaral- El final

Che rebelott. L'è possibil che rimanghi senza internet alcuni dì. Prrrrr....

E la inizia el ciclo de cinema in italiann...

2009-01-19T23:23:00.002+01:00

Staa: Tranquilla
Canzonn: Modena City Ramblers: I cento passi

Credi che sia staa come ritornà a formà part de quei "allievi" d'italiann. Ona sensassioun strana me gh'haa innondà incoeu, quand sont entrada in Aula Magna, dispòsta a vedè el prim film del ciclo de cinema d'italiann (film de mafia, camorra, ecc). Quèst l'è el modi del dipartiment de manifestà el rifiùtt dei mè ex-professour de italiann vers i associazioun mafios. Sì, el faa de studià anmò in de la scoeula de lingu gh'haa el vantaggi de che poeudi assist ad alcuni attività de italiann senza problemi.

Tutt l'è inizià cont ona introduzion de on prof, al cui gh'hoo praticament evità de vedè in de la faccia... Gh'haa parlà on ciccinin, credi che la ròba pussee important che gh'abbia dett l'è che quèsti film, scelti dal dipartiment el contan su stori veri, e minga americanadi come el padrino. Ecu. Dopu de alcuni minuti de distrazioun, sont riessida a concentramm in su on film, i 100 pàssi, che el conta sù la stòria de Peppino Impastato. Bèll, conmovent.

Per ona para d'or, me sont sentida strana, come se nagòtt fudessi cambià dall'ann passà. Inveci tutt l'è divers. Apparteng minga puu a quei lessioun, so giamò diffendem ben in de la lengu italiana. Gh'hee chi el dis (come on mè ex prof de la scoeula obbligatori incoeu) che gh'avaria de cercà lavorà de traduttris. Magari fudessi inscì facil!

Senza timbrà la mè disoccupazion

2009-01-13T13:11:00.003+01:00

Staa: stordida
Canzonn: Vomitiors- Nervos

El mè cas gh'haa minga on nòmm.

Me sont addormentada e gh'hoo poduu minga timbrà la mè disoccupazion. So che me gh'haa sonà la sveglia e la gh'hoo fermada. Gh'hoo anca avüu ona serie de sògni strani piscinnini, so che gh'hoo sognà cont la infermiera (gh'hoo de andà a faa el mè istorial medich) che gh'hoo sognà con on dei mè ex professori de italiann, che gh'hoo sognà cont el mè ex-monitor de nuotà (ier gh'haan cambià monitor) Insòma. On miscugli, stran, ma gh'haa sens. El faa l'è che sont rabiada perché sont minga andada a timbrà (certi, domà se pod faa fin i 11...) E doman gh'havaroo de faa on alter carta quindi.. Gh'hoo voeuja de mandal a da via....

Mini sfoghi

2009-01-11T03:34:00.002+01:00

Staa: Triste, pessimista
Canzonn: Caparezza: Un vero uomo dovrebbe lavare i piatti

Domà duu ròb: Sto mal e tutt l'è ona merda.

Polizia segrètta

2009-01-05T12:05:00.003+01:00

Staa: spaventada
Canzonn: Morodo: Los carros de Babylon

Incoeu, gh'hoo avuu on de quèi sògni che gh'haan minga pè né cò. Un sògn da angosciass, e verament assurd. Quindi, seri in strada e la vegn on group (4 omen e 1 dòna) e i disen:

- Polizia segrètta. L'è lè Anahí Palacín Martínez?
- Sí.
- Alora ghaa de collaborà cont numm in ona missioun.
- Che missioun? Quant la durarà?
- 2 mes e mezz.
- De nisciuna manera. Mì poeudi minga mancà duu mess e mezz a lessioun. - Sont cercada de scappà, me tegnen-.
- Se voeuri minga collaborà, gheem de arrestass.
- Poeudi ciamà i mè genitor?
- No.
- Gh'hoo de fal savè ai mè genitor.
- De nisciuna manera.

Me portaven, quasi strusamm, contro la mè volontà. Mì volevi minga e lor me strusaven, come se fudessi ona criminal. Finalment semm rivà in un post e me serren in una stanza.

- Doman mattina la inizia la missioun.

E serren la porta cont la ciav.

Per fortuna, me sont giamò levada su de colp.. Che angoscia.

Rompend cont tutt

2009-01-03T18:31:00.002+01:00

Staa: Rabbia, e on quaicos pussee che se pod minga dì (vedè testi canzonn)
Canzonn: Nine Inch Nails: Closer

Incoeu, indipendentement de quel che gh'hoo appena dett, del mè staa, del cui logicament darò minga molti dettagli, gh'hoo voeuja de finì cont tanta gent. Minga letteralment, ma sì finì cont el contatt con certi personi, che puu de ona voeulta me gh'haan faa caragnà, intenzionatament o no, el so no.

Quindi, incoeu gh'hoo realizzà ona pulizia completa che affetta sia a msn, a yahoo come a skype. Gh'hoo cancellà tucc i mè contatti, adèss sont adrè a riscattà la gent che me parla (quand me arriven i lor messagg). La reson? Voeuri smentegà ad alcuni personi che me gh'haan faa mal, e anca toeu a la gent cont la qual parli no de solit. Sì, l'è on cammin tant radical, ma l'è el mej. Se toeu no certi contatti, so che i ròb poeuden andà pesg. E no, sont no messa in on quaicos de stran, el prommetti.

Ann noeuv, vida noeuva.

Bilanc 2008

2009-01-01T00:01:00.003+01:00

Staa: Pensativa
Canzonn: Loreena McKenitt:Arabia

L'è andà on alter ann. On ann scandalos per mì, pien de esperienzi, positivi e negativi, però idesmentegabili.

Quest'ann se l'è parlà tant de la crisi economica, inveci, la mè crisi emozional la vegn dall'inizi dell'ann fin adess. Durant quest 2008, gh'hoo minga risolt nessun dei mè conflitti emozionali, piuttòst che risolverli gh'hoo fuggi de questim speri che sia ona soluzion temporal. Darò no nomi, ma chi me cognoss giamò on ciccinin, el pod giamò intuì questi nòmm.

Inveci, sont riessida a lavorà. Durant tri mes gh'hoo avuu on ritmi accelerà, tra lavorà e lessioun. Gh'hoo imparà che quant pussee ròb te fee, pussee temp te gh'hee per tutt. L'è strani, ma l'è inscì. El lavorà el gh'hoo lassà, vist che prima che i danee gh'hè la salut, e se on determinaa lavorà te crea ansietà, l'è mej lassal. Miracolosament, quand gh'avevi men temp, sont stada promòssa in su tutt, inglès, italiann e cinès. La conseguenza pussee diretta l'è stada che gh'hoo finì de studià italiann.

Gh'hoo conosciuu gent noeuva. Salomé, Roy, Roberto, Álex... L'eva ona dei ròb che semper me l'è sembrada pussee complicada, e inveci, semm chi.

E quèla pussee important, gh'hoo poduu viaggià pussee. Quasi tucc hinn stà viagg corti, ma l'è on pass innanz: Duu voeult a Madrid, ona a Toledo, ona a Finisterre, con i sò fermadi corrispondenti... (L'è minga lontan, ma l'è on quaicos...) E ovviament, el mè desideraa ritorni a Milàn, che gh'haa anca coinvolt el faa de vedè posti noeuvi a part de quèla città che ami.

Quest'ann gh'hoo obiettivi noeuvi. Magari espettativi tropp alti. Però per segnass no obiettivi, che el sia no:

- Medità pussee, imparà a controllà el mè imbarazz. Magari gh'avaria de faa on cors de oratoria...
- Trovà lavorà.
- Andà foeura de cà. (E pussee innanz, con on ciccinin de aiutt, magari podaria andà per on periodi pussee lung a Milàn)
- Faa corsi (Me interessa specialment quèl de air hostess)
- Viaggià pussee.
- Partecipà in pussee concorsi letterari.
- Trovà on omm decent (missioun impossibil...)
- Compramm on portatil.

Che sògni strani...

2008-12-28T14:19:00.002+01:00

Staa: sognatris
Canzonn: Ligabue: Niente paura

Incoeu gh'hoo avuu on sogni strani, ma gratificant e all'istess temp stressant...

Seri in ona dita, a Milàn, in de la qual nisciun el parlava spagnoeul e gh'aveven besogn de on quaivun che el savess parlà spagnoeul e italiann... Quindi lavoravi lì, e me ciamaven ogni poc per interpretà quel che el diceva on quaivun o per faa la traduzion de on quai document... Ricordi minga tant, ma basicament ricordi che seri tant acceleraa... :D

Fudessi vera... hahaha. El saria verament felis :D

Mi rendi cont de che anca gh'hoo sognà on alter ròb ma so no esattament che ròba...

Nadal...

2008-12-27T19:55:00.000+01:00

Staa: stracca
Canzonn: Vacca: oggi va così

Incoeu sont verament distruta. Magari l’è no inscì strani, a la fin. El 24, nòtt prima de Nadal. A cà dei mè nòni paterni come ogni ann. Dopu sont andada al villaggi cont la mè miglior amisa e el sò fioeu, per mezz-festeggià. Ghemm vist on quai film, bevuu, mangià... E inscì. Gh’avaria minga immaginà che el saria sta on bel programma, la ròba brùtta l’è che di nòtt el faceva on frecc tremend, (gh’avevóm portà on radiator) e de dì cald.
E el 25, Nadal. L’è on dì che ma pias no tant, de sorapù semper (o quasi semper) el passòm dai nòni materni, in on villaggi che verament me schiscia giò. Tucc i ann, quand el passa quest dì, me senti verament sollevada.

Ieri gh’hoo aproffità el dì, volevi faa dei regali de Nadal a duu amis, quindi nagòtt... Gh’avevi tant chiari che ròba volevi e indoe andà, quindi gh’hoo minga avüu grandi problemi.

Quèst mes anca me sont resa cont de che gh’hoo spendüu tant, verament, in del mè casi, i famosi “spesi formiga” hinn ona maledizion. Gh’hoo on problemino cont el cibo e i dolz, e quest el se ved in de le me spesi....

Balada del Balabiott.

2008-12-14T18:59:00.001+01:00

Anca l'è andà foeura el noeuv disc de Francesco Magni, "Balada del Balabiott."

Intant aspettom pussee notizi, ve lasci el videi che in del qual canta in compagnia de la sò miee "La mia tèrra" (Scigula)

Fin settimana...

2008-12-01T13:04:00.002+01:00

Quest fin settimana l'è stà interessant.

Venerdì gh'hoo avuu la cena cont i mè compagni e la mè prof de cinès, poeu a sem andà in gir alcuni de nunch. A dìl vera, me sont divertuda. Molti de nunch ghee conoscevom giamò l'anno indrè, e gh'èe ona bèla relazion.

Sabet sont andada cont Roberto e Matteo in del cinema, a vedè Madagascar 2 (ha, ha) e l'è stà bèll. La brùta ròba l'è che poeu semm andà a bé on quaicos e lor gh'haan comincià a parlà de ròb collegà a la politica, alcuni molto specifich dei quali osaria minga de dà la mè opinion, perché molti i cognossi no. Quindi, praticament gh'hoo avert no la bòcca. Me sont lojada on ciccinin, a part quest seri leggerament stracca. L'è minga colpa de nessun, gh'hoo da dì. Era no la serada, ha, ha, ha.

Domenica mattina gh'avevi l'appuntament cont Jaime, on fioeu cinès che studia in de la scoeula de lengu. Me gh'haa contà su che l'è andà foeura duu settimani e che me gh'aveva comprà on regali. Infati, on liber de caratteri cinesi tant interessant. Vedarem quant cognosset tì! Me gh'haa dett. E gh'hoo percors i pagini e segnalavi i caratteri che giamò congnossevi. L'è tant simpatich. A dì la vera, sont stada sorpresa per el faa del regali, seri minga riessida a trovamm cont lü prima. Speri che doman i compagni de cinès me ciapen no minga in gir... anmò!

El subcosci...

2008-11-22T12:03:00.002+01:00

Ier gh'hoo sognà che seri punida en ona class, contra el mur, a spalli de tucc, intant la professoressa la spiegava on quaicos.

Gh'ee minga pussee tant de comentà...

Brùtt dì...

2008-11-18T13:29:00.002+01:00

Ier g'hoo avüu on dì de quei in cui te piasaria avegh daa un colp, o anca duu. A dil vera, el so no se podaria vess stà pesg. De mattina, sont dovuu andà in del center de salut per famm daa i analisi... E on gh'era, ma l'alter no. La dottora, l'è anca on ciccinin pesante me ghaa rott el cò. Sont andada foura da lì, rabiada, cont voeuja de mazzà on quaivun e pensavi che gh'avevi besogn dei analisi per el 20. Vedarem.

Sont minga riessida a concentramm in tucc el dì in su nagott. Poeu l'è rivada l'ora de andà in piscina. L'è stà terribil. De colp, me sont sentuuda tant stracca, e ghee riescivi mai. Riescivi minga a nuotà, gh'avevi besogn de fermam ogni poc perché el mè corp el borlava giò. E quand notavi a crawl, l'è entrà acqua dappertutt. El so no, facevi minga in temp a respirà. "Steet ben?"- Ghaa domandà l'istuttor. El sapevi minga che rispond. "L'è stracca!. vera, Anna?"- Ghaa dett on mè compagn. Infati, ier gh'avevi miga faa giamò el ridicol. Quando gh'avevom de faa on sercizi (l'ultim, a pé), barcollavi. Riescivi minga a tegn l'equillibri ben.

Inoltre, la mè "amisa", quand ghee semm vist dopu nuotà, me ghaa chiest de andà foeura innanz (come de solit) perché l'unica cosa che le frega hinn i omen. Fantastich!

Soltant ona mail me ghaa faa sorrid, per alcuni minutt in del dì de ier...

Italiànn...

2008-11-13T12:40:00.002+01:00

Che vaccada.

Ier, spetavi Salomé innanz a la scoeula de lengu, per andà in de la piscina, come de solit. Eppur, ai 21.30 l'è quand la va foeura tuta la gent che manca, se serren i port, e tucc van foeura. Molti dei professoeuri van foeura dal parchegg, ma alcuni van foeura da la porta principal.

E inscì, ultimament me troeuvi spess al mè ultim professor de italiann, fabio, ed ad alcuni compàgni che vann ad ultim or d'italiann, dopu de vegh ripetuu (Alcuni per propri volontà). In quei momenti, la malinconia la me borda on ciccinin, e me meanchen i dibatti, i sabettamenti, i or a litigà cont la lèngu e rabiada perché a certi personi i sopportavi no, direttament.

Però se mi metti a pensà, la malinconia la vegn da indrè. Nei ultimi ann de italiann me mancava el cors de 2º, in del qual me dava lessioun Jose, un professour che ghee ciapava in gir el massim che el poteva. Cert, seri quèla puseee piscinnina de la clàss, cont i mè 18 ann. Allora seri de la era "del iogur" e de "pokemon" (gh'haa minga indovinà propri...) E mì, tant timida, sapevi minga che volevi dì. Allora. Marco, on fioeu de Vasto Marina (Abruzzo) che in quei momenti me importava giamò, me diseva: "di che l'è on...." Che tempi. E domà hinn passà 3 anni da allora.

Comunque, adèss gh'hoo besogn de cambi... Tanti cambi.

Notizi de musica

2008-11-11T21:49:00.006+01:00

Alcuni notizi:

1: I Vomitiors, group de rock del Tesin che el canta en dialètt, torna cont on noeuv disch e inizien a faa concerti l'ann che vegn. Stag attent!

2: I Teka-P, ghaan anca faa on noeuv cd, Pan e Larsen. La presentazion l'è stada la primavera pasaa.

3:I Longobardeath, group de metal in insuber, ghaan tirà foeura el noeuv cd, "Bonarda Bastarda".

Bravi fioeu! ;)

Al Periodic

2008-11-08T12:46:00.002+01:00

Al Periodic l'è on noeuv sit en milanès, dervì da March Tambürel con alcuni collaborador. March Tambürel l'è on linguista che gh'haa avüu semper interès in dei lengu minoritari. La dis che gh'haa semper pensà che el milanès gh'aveva besogn de ona vos, e dopu de pensass, gh'haa deciss de dervì quèst periodich.

Lor gh'haan l'idèa de scriv regolarment in del sit, in puu ghaan anca alter possibil idèi per tirà innanz quèst progett, come idei de audio. Se pöd collaborà e mandà dei ròb a quest neuv sit: Sperem che anca quèst progett andarà innanz, anca se gh'haa giamò ricevuu una quai critica per la lor grafia. In de la opinion de ona servidora, l'è minga el moment de mettess a litigà per i diversi tipi di grafia che gh'hiin in gir, ma l'è el moment de comincià a fà dei cos!

Mariuccia Medici

2008-11-06T20:31:00.002+01:00

Incoeu gh'hoo scovert on blog che me ghaa verament sorpres: L'è el blog de Mariuccia Medici, attris de teater, de origin milanès ma naturalizada in Svizzera. L'è stà protagonist de tanti lavorà in dialètt Ticinès, ona dei puu longevi a faa questi tipo de attività.

L'è da on ann che la ghaa scrivuu pussee nagott, ma l'è de verament de ringrazià che ona grand sciora cont tant cammin andà, conti sù i sò ròb :) Grazie!

Dessert

2008-10-29T11:32:00.003+01:00

A voeult pensi che gh'avaria de serrà el blog e mandà tutt a davialcù. El blog l'è dessert. Come mì. Come anca el mè coeur. Sont domà on vess stran. Ona tòsetta per alcuni, ona stria per alter, e un nagott per la maggioranza.

El temp el pasa, ma i ròb i cambien no: Sont chi, a Vigo, indrè ad un pc, cont la giamò ritornada nostalgia de Milàn, cont la set de chi trova no el sò post al mond. Scrivi per nessun, domà per rilassass on quaicos che la grida denter de mì. Mi innamori di nessun, di omen sposà, innamorà, o di omen che capissen minga on nagott de mì. L'inspirazion la va e la vegn, I amis ghinn in pocch, e poeudi minga aiutà nessun. Perché mì aiuti minga mì stess. Sa dis inscì.

E adèss sa gh'èe? domà mì, che cammini in una straa che la finiss no... Che fò chi? e che fò cont quèsta vida strana? Domà voeuri scappà de tutt....

Sfida

2008-10-21T14:05:00.003+02:00

Incoeu sunt tant cuntenta. Huu finì de legg Domani ti perdono, de Alessandra Appiano, liber che hoo ricumincià ( el ghavevi leggiuu a metà) un quai dì indrè. El fatt da par sì l'è minga avegh leggiuu el liber, ma el ghoo leggiuu in tri dì. Sunt adrè a ricuperà una part de mì che credevi che fudessi perduda in tra i mè regordi de l'infanzia pre-virtual, quand seri una divuratris de liber, ed internet era un'idèa banal che nemmen mi era passà in de la cò. Sunt andada in biblioteca, inscì me sunt aluntanada dei rumori mundanali che innondaven la me cà, fin ad alti ur de la mattinata, e che da piscinnina me fregaven no, ma adèss me turben giamò. Sunt andada in de la biblioteca puseee visina, cunt l'unic scop de legg.

Fin al curs pasaa, anca gh'avevi un problema: in italiann seri cunt el pian andaghee, e quindi dovevi legg tri liber imposti per el sacro departament de italiann. Quèst el vour dì prèssa, scuncentrazioun, e men campi de sortiment. Adèss gh'huu una sfida persunal, legg cume una lòcca cume quand seri una tusètta che la se fregavade quei che el succedeva cunt el rest del mund, che la camminava per mundi minca scoverti e la se perdeva tra i boschi in cumpagnia de la sùa cusina, chi dumà vedeva ad una amisa el fin settimana e per chi un dì a la Coruña era un dì in del paradìs. Quand leggi, scovret alter mundi, alter idei, alter sogni, che nemmen se poeuden sfiurà in quai alter modi. I liber seren i mè rifugi segreti, el costruiven el mè mund, me faceven sugnà. Voeuri che continui a vess inscì.

Flash e cameri

2008-10-16T09:25:00.002+02:00

Ier l'è stà un di quei dì diversi dal rest. La professora de cinès gh'aveva dett che quei che pudessem andà de mattina, de vegnì. Gh'haa mess un capitoli de la serie che semper vedom in cinès, alter che una serie educativa a vouelt el par una telenovela :D. Savom che vegnaria la consigliera de educassion. Eravom in pocch, vist che la maggior part de la gent podeva minga andà a lession de mattina. Per mì l'è stada una situazion strana. Prima hinn entrà la direttora e el capu de studi tucc e duu ben vestii. L'è stà stran per mì vedè al capu de studi (el ghavevi vist no dall'inizi del curs fin ier) inscì ben vestì, vist che me ghaa daa lessioun alcuni anni fa e me ciapava semper in gir (ciapa semper in gir a tucc quanti...) Dopu hinn entrà un sacch de giornalisti, e finalment la consigliera. L'è stà assurdi per mì vess circondada da giurnalist, videocameri che el registraven, e flash che sparaven ogni pocch. La situazion la faa diventà nervos ad vun, verament. Adèss capissi a la gent che la scappa dei flash e i cameri. Ma l'è minga andada mal.

Perduu in del casott

2008-10-07T13:19:00.000+02:00

Un basin perduu in un casott...
See tì, sunt mì che caragni
La mort de un sentiment frecc
Grand, orguglius ma vecc
El arriva l’autunn, e mì guardi.

Guardi el temp che el pàsa, la pioeuva che la borla giò.
La Madunina la caragna, da su in del ciel,
Intant mì abrasi un alberi in un bosch
Perché tì el capisset no.

In del vent sa sent una quai canson
Che gh’haa el profumi de la tò pell,
Mì sunt chi, me levi minga su.
Gh’hoo no voeuja de vidè el temp che el passa,
Cunt E el mund che el curr e el curr,
E tì dumà fee el ganassa

Spiral de indecissioun

2008-10-05T15:30:00.000+02:00

Mi guardi in del specch. Stranii. Pensirosa. La se ricomincia a la scoeula de lingu, ricominci in cines ed ingles, ma per prima voeult in cinq ann, gh'hoo minga de fà italiann. Mi si fa stran dopu cinq ann. Al massim podaria andà ai lessioun complementari, ma a che roba serven? Voeuri dì, in su internet sunt ben alenada. La roeuda la gira e la gira.Come la dis una cansonn wiccan:

Air moves us,
Fire transforms us,
Water shapes us,
Earth Heals Us.
And The Balance Of The Wheel Goes Round And Round.

E la roeuda la gira.Un noeuv periodi in de la mè vid el derv el cammin. I cambi van visin intant mì mangi ciucculatt come se fudessi no la protagonista, ,ma un spettadur. In realtà l'è minga inscì. Gh'èe minga un spettadur, semm tucc persunaggi de quèst rumanz stran che l'è la noster vid. E mi ricurdi, quand seri una giuvina de 18 ann, al secund ann de scoeula de lingu, cunt un professur que la ciapava semper in gir perhé si vergugnava a parlà en italiann. E adèss? cume sa mett? Me hann giamò daa da la bauscia, da la mangianebbia. Magari perché vivi Milàn, anca da luntan. Me ghaa lassà un segni per semper, cume una storia de surrisi e lagrimi, cume un diavul che el voeur sorrid, cume la velucità de una metrò che la scurr per i mè sogni assurdi denter ad un bosch de dubbi. Ier me l'è successa una ròba cumpletament idiota. Me sunt addurmentada cinc minut e hoo faa un sogni stran:

Piola... fermata Piola.

Salida in su la metrò a tuta velocità. Equillibri per borlà no giò fiché la riessi a sedemm giò. E anmò:

Loreto... fermata Loreto.

Discesa e camminada disorientada finché trovi la strada. L'hoo trovada? No. Tra poc el fo 22 ann (17 ottober) e so no anmò qual l'è la mè strada. Speri de trovala prima de arrivà a Abbiategrasso. El saria tropp tardi.

E vedaroo i le facci stupii de i mè professur, adèss ex professur de italiann, menter giri in una spiral de indecissioun che la cumanda pussee de mì, pussee de quant volessen cumandà i mè genidur, pussee de quant pudessi perdemm tra i noti de uan cansun cun final felis.

I Mc Donald's

2008-10-01T10:52:00.002+02:00

Purtropp, la dita Mc Donald's continua a vess un success in tutt el mund, vist che millioni de personi ogni dì i van in di lor ristoranti, e nutren a una dita che la viv dal capitalism e al costi de la salut de molti esseri umani, che, inocentement, i vann ai lor ristoranti cunt l'incentivi economich.

Personalment,i burger dei Mc Donald's me piasen no. In realtà, de solit ciapi i burger in dei café. L'unica cosa che ma pias hinni gelaa. Comunque mi sunt propost una sfida:

Non mettere un piede su un Mc Donald's almeno per un anno (per addesso).

El 16 ottober, l'è el dì Mondial Anti-McDonald's. L'è ona iniziativa che la part de la Mc Donald's Workers Resistance in del Regn Unii, da 1980. In tanti paesi i lor lavoratori se manfiesten per protestà per i condizioni del cibi e i condizioni del propri lavorà. Purtropp l'è minga inscì tant conosciuu...

Milàn Expo 2015: Ipocrisia!!!!

2008-09-30T00:03:00.003+02:00

Per i sostegniduri de la EXPO 2015 a Milàn... Ve regordi un quaicos:

In de la Expo la se parlerà de sviluppi sostenibil, l'alimentazion, L'ENERGIA DEL PIANETA, EL RISPETTI ALL'AMBIENT,

VOUREM SCHERZAA??

Ghii giamò desmentegà el Bosch de Gioia? 160 alberi taglià, per costruì un grattaceli de 44 piani de la amministrazion regional!!!

Pazzesch.

2008-09-29T15:19:00.002+02:00

El port

Monument al emmigrant

Ancora

Faro

Arte in ceramica

sorris de oreggia a oreggia

El peregrino

Langosteira

Sensa commenti...

Muros... In de la foto se capiss no e ghee semm minga fermà tant a faa foto... ma poeudi dì che l'è BELISSIMA.

Noia...un po' lojà.. anca se ghem mangià una coppa de gelaa!

A Boiro! Felis, pinserosa e riflessiva al istess temp...

Tantapaja in su Radio Padania!

2008-09-28T22:14:00.002+02:00

El venerdì i Tantapaja ghaan sonà in su Radio Padania. Mì per la mè part, gh'hoo poduu sentì una part de la trasmissioun. Dumà poeudi dì un quaicos:

Bravi fioeu!!! innanz cunt la musica e cunt la lèngua!!!

Vigo-Milano

2008-09-26T11:40:00.002+02:00

L'aeroport de Vigo l'è adrè a pensà a diversi opzioni per amplificà i sò voli, e Clickair gh'haa propost quatter grandi opzioni de collegament da Peinador: Milàn, Bruxelles, Frankfurt e, sorattutt, Londra.

Alora mi gh'haa vegnuu alla ment un'idea:

Perché creà no una piataforma per appoggià la candidadura de Milàn?

Paradis caotich

2008-09-21T11:17:00.003+02:00

"Fuggi,cosa fuggi non c'è modo di scappare, ho la febbre ma ti porto fuori a bere,
non è niente stai tranquilla è solo il cuore, porta Ticinese piove ma c'è il sole,
quando il dandy muore fuore nasce un fiore, le ragazze fan la fila per vedere
la sua tomba con su scritte le parole: "io vi amo, vi amo ma vi odio però, vi amo tutti,è bello è brutto io non lo so...io vi amo,vi amo ma vi odio però,vi amo tutti
è bello è brutto è solo questo"

Credi che questi frasi de ona canzon de Baustelle poeuden deffinì quel che proeuvi per Milàn. Questa voeulta gh'hoo minga lassà tanti rob a metà, per fortuna. Sunt rivada da par mì, hoo ciapà l'autobus da Berghem a Milàn, e da lì sunt andada a la stazion central per poeu rivà a Piazzal Loreto. G'hoo de dì che i cartelli che gheven in su la metrò me ghaan sorpresa on ciccinin....

Quindi, segonda questi pubblicisti, el milanès l'è l'ingles maccherronich. Sensa commenti. Ad ona persona che cognoss el dialett da on po' de fastidi la ròba :D

La gent l'è stada giamò gentil e gh'hoo mess no tant temp a trovà l'alberghi. Ona sciora me ghaa dett che sembri italiana. Appena sunt rivada in alberghi, hoo comincià a mandà sms a tucc: Seri rivada!

La prima persona che gh'hoo vist l'è stà Marco. L'è stà un po strani, el so no. Ghemm ciapà el campari cunt lo spirtz. El ghavevi minga ciapà prima, quindi hoo notà che l'effetti l'è tropp fort, e che bisogna controllass tant. Poeu gh'hoo avuu besogn de riposamm un ciccinin, e pussee tard, in del pomeriggi-sira, me sont incontrada cunt el MAurix, che el viv a Cassano sull'Adda, a Berghem, alora sunt anmò stada a Berghem. Me haa faa vedè dei posti bèlli e ghemm ciapà on gelati. El gelataa l'eva sciucca quand ghaa scovert che parlavi milanès. Maurix e mì gheem sonà in la sò cà (A la fin valeva la pena ciapà el tamburell) e me ghaa regalà ona fracch di cd.

El second dì gh'hoo ciapà on autobus fin a Milàn, e me sunt messa in on problema, perché come l'era de immaginà, me sont scordada de timbrà el bigliett e portavi minga cont mì la carta de identità (la ghavevi scordà a Milàn)ma per questa voeulta me gh'haan lassà stà. Quel dì me sunt giamò desorientada e me sunt sentuda in ansia. Per fortuna, ona ciamada ad un amis e domandà ad alcuni personi che me indicaron inscì inscì, ghaan resolt el problema. Me sunt messa appost e sunt andada foeura. L'era assurd, perché sentivi dapperttutt fischi, compliment e claxon. L'è minga on quaicos che capita tucc i dì, e men a Vigo. Me sunt vista cunt Andrea Pinketts, anca se poeu l'è vegnuu un su amis. L'era giamò simpatich, peccà che ghaveva minga tant temp. L'amis l'era surpres un cicinnin, perché el parlava velus e mì capivi tutt.

De sira, me sunt incontrada con Andrea L, e ghemm parlà in milanès, serom tant contenti de incontrasss. Al ritorni al alberghi hoo notà che l'era vera quel che me ghaveven dett: seren i militari che vigilaven la città. On latinoamericani me ghaa rott i bàll perché voureva andà foeura cun mì. Evidentement me sunt fregada.

Al terz dì, se ghann ripettuu i compliment e i fischi. Hoo comprà una para de cos in un supermercaa, ghavevi minga voeuja de rompemm la cò a cercà un ristorant e i prezzi, e el dì prima ghavevi vist vun. Sunt passada innanz ad una scoeula de fioeulini. Finalment gh'hoo parlà cunt Matteo B, e ghee semm incontrà in Piola, sunt andada da lù e ghemm parlà on ciccinin, gh'hoo anca salutà a la mader che la conoscevi giamò del alter voeult. Me gh'haa sorpres perche´la sta a studià el spagnoeul e l'è propri brava.

Quèla nott, Andrea L me ghaa ciapà cunt i sò amis, semm andà a cenà e a fà quatter chiaccheri in del Stardust, che l'è un de quei ristoranti tipo autoservizi-buffet liberi de quei che hinn geniali e purtropp a Vigo ghinn no. L'è stà assurd el faa de che quand eravom in macchina con la canzon de “umbrella” de fond, lu haa comincià a cantà una version "a la milanes". Inveci de “under my umbrella”, alla fine cantavom “Cata su l’ombrell-a” (sensa commenti...!)

El quatter dì hoo lassà el prim alberghi in cui sunt stada. Gh'hoo ciapà assorbenti (un'emmergenza assurda con la qual contavi no) Hoo faa dei giri finché mi è vegnuu a ciapà Paolo. Ghee seem incontrà finalment in de la stazion de Lambrate. A cà, i sù me ghaan ricevuda a la grand, el pader haa comincià a parlà prest el dialett anca cunt mì (el aspettavi no!) Ghemm mangià, ghemm vist un quai videi deilegnanesi, finché Paolo, Gianluca e mì semm andà al concerti dei Gamba de Legn a Mesero. Sunt arrivada e ghinn stà di presentazioni. El grup l'è stà tropp simpatich :D Seri in del tavul indoe seren i lor conosuu praticament, seri lì che cantavi e quasi ballavi tra la gent. Voleven che salissi a cantà ma per miracol me sont liberada. Anca se me sunt minga liberada de cantà a lur on pezz de la Madunnina :D Ghinn stà de scherzi, risadi, gh'hoo conosuu a de la gent... Quel sì, poeu sunt tornada caregà de regalini, ha,ha,ha. Hoo dormì a cà del Paolo a Barlassina. A quant par, Ste me ghaa riconosciuu al concert anca se ghaa dett no un nagott quand seri lì.

El dì dopu, sont andada cont Paol a Còmm. Purtropp el temp l'era minga belissim. Infatti ghaa piovuu on ciccinin e el laghi era allagaa. Comunque ghemm mangià a Comm, e pou semm rimanuu a Barlassina.

Di sera invece, siamo andati al Alcatraz ed io mi sono divertita, anche se avevo i piedi addolorati da un paio di giorni e qualcuno mi ha pestata. Mi ha direttamente uccisa! Ogni pista era praticamente come un stadio e c'erano intorno a 500 persone in ognuna... e non c'era nessuna lite ne niente. C'era sicurezza anche all'interno, che probabilmente è una defficienza che c'è qua in molti locali. Siamo arrivati da Paolo alle quattro del mattino.

La domenica abbiamo fatto dei giri a Milano città. Siamo andati al Castello Sforzesco, che è bellissimo. Anche abbiamo visto uno dei Navigli, veramente stupisce vederlo. Abbiamo girato intorno alla Piazza del Duomo e finalmente abbiamo percorso Vittorio Emanuele, per poi finire in una pizzeria a Lambrate. Visto che avevo i piedi distrutti, ci ha preso Gianluca a Lambrate.

Quèla nòtt l'è stada l'ultim in dal Paulin, el pader me ghaa regalà dei lavori in legn bellissim... Lunedì mattina, Paolo me ghaa lasciada in Lambrate, e mi sunt perduda. Me sunt desorientada tant, sunt rivada in Piazz Argentina. Hoo ciamà Andrea, che haa cercà de guidamm per telefoni, ma l'è minga stà util. A la fin hoo domandà a de la gent. Hoo lassà dei ròb in del alberghi. Seri giamò on alter voeulta in su la metrò, quand me haa ciamà Laura DM. Alora me sunt vista cunt lè, me haa portada in una zona dove de solit vann foeura i universitari. Ghemm bevuu on quaicos e ghemm parlà. Me ghaa faa rid che la cuntava su che la mader ghaa voeuja de andà a Santiago. Poeu gheem dovuu salutass, lè era on po impegnada cunt la tesi de l'università,

e hoo girà e ciapà on pezz de pizza in una panetteria. Sunt andada al supermercà, hoo comprà on quaicos, me hann lassà passà tre personi innanz in de la coda (credi che el me record fin adèss seren duu) e sunt andada in del alberghi. Quel dì anca riessi a parlà cunt Matteo C, che el dis che ghee pensa lù a portamm in aeroport.

E l'è rivà el ottavi dì. Giri intorni a Sant'Ambrogio, anca intorna al Dòmm, me riposi in del alberghi e mi incontri cunt Laura B, in del parch Sempione (indove l'è anca el castèll Sforzesch) hoo aproffità per comprà dei regali per cà. Me ghaa fatt rid che quand sunt andada giò de la metrò hoo sentì parlà a un signur anzian che lavorava là in milanès. Hoo parlà cunt Pinketts al telefoni, e poeu Andrea L l'è andà a famm un po de compagnia... ha, ha, ha.

L'ultim dì me sunt perduda in de la zona del Castell. Seri stracca, allora gh'hoo comprà dei biscotti e acqua in un supermercà.

Sunt tornada in del alberghi, me sunt sdariada un ciccinin, e sunt riuscida ad incontramm cunt Ul Mik e un alter component dei Longobardeath de sira in Piazz del Dòmm. Ghemm bevuu on quaicos e anca lor me ghann regalà dei cos. Me sunt divertuda.

Quand sunt tornada in del alberghi, seri foeura de cò. Seri inscì perche riessivi no a fà la valigia, ghavevi tropp cos, e anca foeura perché trovavi minga la mè carta de identità (che come de solit, era in del post pussee assurd in cui podaria vess) Ghoo parlà cunt Matteo C, e me haa dett de ripusamm un ciccinin, che el faria on squilli quand saria rivà. Quand me ghaa faa el squilli sunt andada giò e ho spettà. Infatti l'è passada la polizia e me ghaan domandà se andava tutt ben. Ghoo dett de sì, che domà aspettavi ad un amis, e hinn andà. Quand l'è rivà Matteo, anca lu ghaveva on regali, un peluche tant bèll. Me è dispiasuu che gheem no poduu stà pussee temp insema prima, e perché l'è vegnuu domà per portamm in aeroport. Infatti ghaveva de alzass el dì dopu, alura me ghaa lassà in del aeroport e ghee semm salutà. E ghoo ricomincià anmò. Entrà in del aeroport, da el fogli, ciapà el bigliett, faa el check-in e cercà la porta. Tri or de aerei e seri in O Porto. I mè genidur me ghaan ciapà lì, e ghavevi già recuperà sonn in del aerei, alura sunt minga andà a durmì quand sunti rivada a cà, ghavevi ""tant de fa".

Sunt tant cuntenta, ma volevi minga tornà. Sperem che la prossima voeulta resti un periodi a lavurà o un quaicos del generi...Ora so che ròba ghoo de fà.

Addì, Mich

2008-09-19T14:20:00.001+02:00

Anti-insetti de cà

2008-09-03T13:27:00.001+02:00

Te ghee minga on spray per i insetti e lè on dì de fest?

Gh'èe ona soluzion alternativa! Prova cont on anti-odorant in spray!

Teater 26/08/2008

2008-08-30T12:37:00.001+02:00

Che paradòss...

2008-08-28T11:58:00.001+02:00

Sí, quèsta canzon la forma part dei ricordi de la mè infanzia... Me ricordi quand seri piscinnina, in Marimba che l'era dove suonava el mè pader, semper cantaven questa canzon e tiraven caramèll...ha, ha, ha. Moment happy infantil :D

Tesserament 2009

2008-08-23T08:09:00.002+02:00

L'è comincià.

L'è dervì el tesserament per vess part de Domà Nunch in del 2009 e aiutà all'organizzazion. La tessera l'è consegnada per on minim de 10 Euro. La tessera pod vess retirada nei stand o anca mandada per posta. L'è possibil pagà cont paypal, postepal o bonifich bancari. Per pussee informazion, scriv a redazion@eldraghbloeu.com .

Perché domà nunch?

Domà Nunch l'è on movement che el promoziona l'idea de l'Insubria, inclusi la storia, lèngua, coltura e ambient. Da la organizazzion se diffend la protezion dei animali, pianti, tèrra, e tutta la natura in general, perché l'è on ben prezios che l'è basich in de la vida.

Per alter domandi o dubbi, podii andà chi.

www.eldraghbloeu.com
www.domanunch.org

In su la differenza de età

2008-08-22T08:18:00.003+02:00

Ier, parlavi cont ona persòna in sui differenzi de età nei còppi e le la diseva che l'è no d'accord cont che on fioeu gh'àbbia des ann o pussee de ona dòna, vist che le somejava on aberrazion che, all'ora de inveggì, ona persona de 50, per esempi, stia cont ona de 60. Tutt quest perché, come savii quei che me cognosii, da on temp fin adèss ma piasen omen pussee grandi de mì, con differenzi denter dei vòtt e i vent ann, aprossimativament. Ovviament, quand seri pussee giovina anca a mì el sembrava on aberrazion ma adèss spiegheroo i motivi per i quali incoeu me par no che el sia:

1) In questioni naturali, ona dòna matura prima che on ómm, addrittura genetica e fisicament, quindi poeuden anca inveggì pussee a la svèlta.

2) Al temp che l'è minga stran vedè fioeu de 40 che el par che gh'haan 35, e de fioeu de 30 che quasi par che gh'àbbien 20, in questioni di maturità, molti tosann dimostren che anca se ghaan 20 ann, ghaan la maturità de ona dona de 30. Quindi, dipend del atteggiament dei duu personi.

3) Molta gent la dis che "10 ann hinn nagott ". Se hinn no nagott per on quaicos, hinn minga nagott per on alter.

Allora nagott, a la gent che me critica, me poeud criticà. In quei ann indrè el facevi l'istess.

Claudio Beretta

2008-08-19T12:56:00.003+02:00

El 31 luj l'è andà on dei pussee important studiosi del milanès. El scior Claudio Beretta gh'haa lassà quest mond ma gh'haa dervì ona porta a la speranza de la lèngua milanesa. Anca se lü l'è andà, la battaglia l'è minga morta. Grazie, Scior Beretta... Lü el sarà semper in del noster coeur. Adèss semper che andarò a cercà ona quai parola in del dizionari, me ricorderò de lü....

Sont adrè a combatt...

2008-08-19T05:35:00.004+02:00

Poeudi minga dormì.

Riessi minga a dormì, per ona part, per la set, per on alter gh'è el cald e poeu gh'hinn i mè penseri. Resten 21 dì per Milàn seconda part. L'è ona sfida, ma ier on quaicos me gh'haa dimostrà che adèss sont preparada.

Ier gh'hoo vint anmò a vun dei mè problemi pussee gravi, el disorientament, prodott possibilment per problemi come l'idrocefalo e la dislessia, cont i quali la se conviv, o almen in del mè cas. Ier gh'hoo faa on alter punt. Sont adrè a vinc la partida per quatter-duu, aprossimattivament. El so no verament, perché l'idrocefalo gh'haa faa gol diversi voeult, ma adèss sont mì chi l'è adrè a battel. Prima, gh'hoo perduu la pagura e gh'hoo comincià a moeuvmm per Vigo. Poeu, gh'hoo superà la pagura a perdemm a Milàn, scoprì che el capitava on nagott, vist che el sarò mai sola. E durant quest'estaa, el disorientament me gh'haa complicà i cos. Ma ier gh'hoo vint anmò ona voeulta, vist che sont riessida ad andà da par mì al padiglion dei sport del Berbés. El pareva tant difficil, ma a voeult on cambi de strategia el cambia tutt.

Sí, adèss sont preparada per el ritorni a Milàn. Vist che dormirò visin a Piazzal Loreto, che adèss so usà la metrò e che sarò minga da par mì, tutt el andarà ben da quand andaro in sul aerei.

Chi el diseva che l'idrocefalo fudessi invencibil?

Quasi svegni...

2008-08-11T10:05:00.002+02:00

E l'è colpa de Antena 3, per da no i informazion completi dall'inizi...

Gh'hann comincià a dì che Ryanair ghavaria cancellà migliai de preonotazioni da incoeu in innanz... Gh'hoo no respirà tranquilla finché ghaan spiegà che questi prenotazioni sarian stà contrattadi travers alter agenzii (come Edreams) La mè prenotazion lè stà faa direttament in sul sit di Ryanair...

Fin settimana a Lugo

2008-08-06T13:04:00.003+02:00

Quèst fin settimana l'è stà on po' particolar. Cont la scusa de conossom, Roy (on amis asturiann al cui fin el moment ghavevi no incontrà de persòna) mi ghaveva invidà ad andà a Lugo (Lugo in Galizia, ovviament) vist che in riassunt, on group de amis se incontraven là, se incontren quand el poeuden, insòma. L'è stà, tipo, "Preocupass no che te inviti mì". Quindi, duu amis de chi de Gondomar (visin a Vigo) me gh'haan ciapada in de la stazion de treno, e l'è comincià on viaggi de tri or in macchina.

Eravom intorna a 11 personi (de questi vúndes, vott omen, e vott dei 11 serom galiziani!) se sont fa dei brass e cont inscì tant divertiment se hinn smorzà tanti voeult, allora ghemm mangià ai 6 circa, ha, ha, ha. Poeu nagott, ghinn stà anca dei dolz (Sont adrè a ricordà i biscotti de ciocolatt che ghaa portà el Roy e verament me vegn el l'acquètta in de la bocca... Ahia!!!) Ghemm bevüu on ciccinin (Almen mì ghoo bevuu poc, de solt cerchi de controlamm e spezialment in certi situazion) e nagott, a lètt. Confessi che ai noeuv o des del mattin ghavevi i oeucc dervì, poeu gh'èe semm alzà e semm andà giò. Roy e mì semm andà a faa colazion in una pastizzeria, ghemm faa on gir e semm tornà (semm tornà no senza perdess prima) e all'ora de mangià semm andà tucc in on ristorant cinès. Credi che semm andà foeura de Lugo ai cinqu aprossimativament, ma pazienza, l'unica ròba che el sò l'è che seri distrutta...

Intervista finalizzada...

2008-08-01T08:09:00.003+02:00

Tel chi el risultà complet dell'intervista milanesa, e poeu, el risulta final (dei voti in sui 5 blog)

RISULTÀ IN SUL BAS DA LA LUNA :

gaelich o irlandès 8 (80%)
cinès 0 (0%)
esperanto o interlingu 0 (0%)
puglies o sicilian 2 (20%)
on alter 0 (0%)

Ben, adèss andemm in sul risultà mezz (o risultà final)

gaelich o irlandès 8 (80%)
puglies o sicilian 2 (20%)
cinès 0 (0%)
esperanto o interlingu 0 (0%)
on alter (spiegà qual travers ona mail o on comment)0 (0%)

Ben, adèss domà ve domandi se preferii el gaelich o l'irlandès!

Noeuva domanda in sul blog!!!

2008-07-20T20:48:00.001+02:00

Gh'è sotta la chat... L'è important questa! :D

Torni a Milàn!!!

2008-07-10T00:25:00.003+02:00

Deffinitiv.

Segnavv i dati:

Arrivi el 9 settember all'aeroport de Bergom (Orio al Serio) ai 11:55 AM da Oporto.

Torni a cà el 18 settember ai 06.10 AM.

Se vorii incontramm, ciapavv ben el mè numer italiann, per piasè, l'è fondamental per trovamm.

El manca domà el post per dormì...

Guardamm in dei oeucc

2008-07-01T15:05:00.000+02:00

Miracol...

2008-06-30T14:07:00.000+02:00

Se poteva minga dormì ier cont i grida e i claxon dei macchini....:D

Samil

2008-06-26T21:35:00.002+02:00

Ondas do mar de Vigo,
se vistes meu amigo!
e ai Deus, se verrá cedo!

Ondas do mar levado,
se vistes meu amado!
e ai Deus, se verrá cedo!

Se vistes meu amigo,
o por que eu sospiro!
e ai Deus, se verrá cedo!

Se vistes meu amado
por que ei gram cuidado!
e ai Deus, se verrá cedo!

Gh'hoo dervì quest post cont ona cantiga de amigo, importantissim in de la coltura galiziana, per riflett in su l'importanza che gh'haa el mar per nunch. Ier sont andada per segonda voeulta quest'ann, a la spiaggia de Samil. L'è curios, l'è ona spiaggia che, infond, el significa no inscì tant per mì: I mè genidur me portaven a Patos, e la mè nòna, a la spiaggia América. Ma l'è, comunque, quèla che gh'è miglior comunicada.

Gh'eva tant cald, infatti me sont brusada. Quand sont rivada in spiaggia, ghoo poduu camminà tranquillament per i acqui dell'ocean Atlantich. Senza de pensà a nagott. Credi che l'è vuna dei cos che me mancherien se fudessi a Milàn. In realtà, me mancaria, fudessi indoe fudessi, vist che l'ocean Atlantich, in dei cost de la Galizia, diria che l'è unich.

Entravi pian pian denter dell'acqua. Me regordi de on quaicos che l'è success tant temp fa. On dei mè zii l'era fidanzà cont ona dòna cubana, e la prima voeulta che l'è andada in ona spiaggia de la GAlizia, la mè cugina e mì semm andà cont lor. Nunch duu, semm cors veri l'acqua come duu lòcch, e lè l'è corsa indrè... Cert che quand l'è entrada, la tremava del frecc...

Ier mentre mangiavi el panino, on gabbian s'è portà part del mio panino... Questi cos prima neanca succedeven, sembra che van cont i temp...

El mar l'è stà anca tant important in de la cultura e la stregoneria galiziani. Per esempi, el ritual dei noeuv ondi. L'eva per tosi che voleven vess incinta, e consisteva in entrà in dell'acqua in luna piena, e lasciass colpì dai noeuv ondi.

Ier g'hoho passà inscì tant temp in spiaggia, quest l'è la reson per la cui me sont brusada, e anca el motivi per il qual poeu ghavevi no el temp...

Sperem che tutt el andarà ben...

2008-06-24T12:48:00.000+02:00

El so, disegni mal...

2008-06-23T21:43:00.003+02:00

Gh'hoo trovà ona ròba curiosa...

El "mini-pian" que gh'hoo disegnà quand seri in on albergh i ultim dì a Milàn...dopu de perdemm!

Per chi gh'haa no capì: El circol del mezz l'è Piàzza Piola.

Dilèmma

2008-06-22T11:10:00.002+02:00

Incoeu (Se recordi no mal) gheem la partida Spàgna-Itàlia.

De solit me interess no tant el calci, ma quand gh'è on quaicos de grand (Se foo no on quaicos pussee interessant) a voeult el guardi.

La question l'è che in quest cas gh'hoo el coeur divvis: Sì, l'è chiar che sont spagnoeula, sont nassuda chi a Vigo, e l'è inscì (Se appoggi ad Itàlia mi ammazzen)

Per on alter part, se appoggi no ad Itàlia mi ammazzen l'istess: adèss che sont per quasi tucc ona "milanesa in addozioun" gh'è chi la dis: "Ma te seet on'italiana addottada, Allora te ghee de appoggià ad Italia!"

Andom ben...

E se gh'hoo de guidamm per "fioeu bon" neanca inscì... gh'hinn de bon in dei duu selezioni, hahaha.

Bas da la luna ghaa faa on ann!

2008-06-21T11:01:00.003+02:00

El poeudi minga cred.... L'è da on ann che gh'hoo comincià quèsta avventura che el va innanz. Me ricordi ben, el mè primm obiettiv éra imparà quèsta bèla lèngua, che tanti sorpresi me gh'haa daa. Gh'hoo minga scoltà a la gent che me collegava a certi idèi politich e ghoo continuà... senza pagura!

E adèss che te seet chi
On segrètt te gh'hoo de dì
El coeur caragna perché sont lontan
e in dei mei oeucc vedaret semper Milàn!

Ma mì

2008-06-17T00:37:00.000+02:00

Serom in quatter col Padola,
el Rodolfo, el Gaina e poeu mi:
quatter amis, quatter malnatt,
vegnu su insemma compagn di gatt.
Emm fa la guera in Albania,
poeu su in montagna a ciapà i ratt:
negher Todesch del la Wermacht,
mi fan morire domaa a pensagh!
Poeu m'hann cataa in d'una imboscada:
pugnn e pesciad e 'na fusilada...
Ma mi, ma mi, ma mi,
quaranta dì, quaranta nott,
A San Vittur a ciapaa i bott,
dormì de can, pien de malann!...
Ma mi, ma mi, ma mi,
quaranta dì, quaranta nott,
sbattuu de su, sbattuu de giò:
mi sont de quei che parlen no!
El Commissari 'na mattina
el me manda a ciamà lì per lì:
"Noi siamo qui, non sente alcun-
el me diseva 'sto brutt terron!
El me diseva - i tuoi compari
nui li pigliasse senza di te...
ma se parlasse ti firmo accà
il tuo condono: la libertà!
Fesso sì tu se resti contento
d'essere solo chiuso qua ddentro..."
Ma mi, ma mi, ma mi,
quaranta dì, quaranta nott,
A San Vittur a ciapaa i bott,
dormì de can, pien de malann!...
Ma mi, ma mi, ma mi,
quaranta dì, quaranta nott,
sbattuu de su, sbattuu de giò:
mi sont de quei che parlen no!
Sont saraa su in 'sta ratera
piena de nebbia, de fregg e de scur,
sotta a 'sti mur passen i tramm,
frecass e vita del ma Milan...
El coeur se streng, venn giò la sira,
me senti mal, e stoo minga in pee,
cucciaa in sul lett in d'on canton
me par de vess propri nissun!
L'è pegg che in guera staa su la tera:
la libertà la var 'na spiada!
Ma mi, ma mi, ma mi,
quaranta dì, quaranta nott,
A San Vittur a ciapaa i bott,
dormì de can, pien de malann!...
Ma mi, ma mi, ma mi,
quaranta dì, quaranta nott,
sbattuu de su, sbattuu de giò:
mi sont de quei che parlen no!

Madrid: la terza l'è la voeulta buona

2008-06-15T10:27:00.002+02:00

Sont contenta, perché quèsta voeulta, la mè terza voeulta a Madrid, l'è stada diversa, anca se ghee sont staa on po' de or a dormì in macchina...

Me sont divertida. Sont andada cont Adrián e Salomé, e dopu de molti or e molti fermadi in staziouni de servizi (Andà foeura de la Galizia, incrocià tutta Ourense e attraversà Castiglia e Leon l'è pesant...) semm rivà a Madrid. Semm andà a la stazioun de Atocha. Dopu gheem girà, specialment in de la Gran Vía, visto che mì ghavevi de comprà on quaj vestì per la fèsta de nozzi de Marta, che le se festeggiarà in ona para de mesi. Ghemm ciapà on autobus perché Salomé ghaveva de faa on esam in de la Università Europea di Madrid, Allora, Adrián e mì, semm andà a ciapà on quaicos intant che spettem. Me stupiss che i autobus interprovinciali a Madrid hinn gestionà da la amministrazion pubblica. A Vigo inveci, i autubus ghaan nagott de fa cont la amministrazion, che mì sàppia.

Quand Salomé l'è andà foeura, semm andà a mangià in on ristoranti vegetarian, (Fres.Co ) che per mì l'era on paradis! l'era de autservizi, e buffet liberi, te mangiet quel che te par e in de la quantità che te voeuret. L'è ona goduria! Ghaan de fà vun inscì a Vigo!

Credi che sia ovvi che potevom andà no senza passà ona para de voeulte in de Starbucks.. On alter lussi che chi ghemm no... (grrr!)

On alter ròba curiosa l'è che Madrid era pienna de italiani. Magari per quest, e per dà ona man a Salomé (Ghaa finì 2º) ghemm parlà in italiann giamò temp. In puu, mì cont el mè polsin d'Itàlia, orgoglisa, ha, ha,ha.

Per mì, l'è anca stà on piasè andà anmò in su la metrò. Me pias moeuvmm in metrò, e l'è ona de quei cos che facevi no da on ann. Amavi andà giò, sentì tutta quell'aria mentre la si fermava no, e lanciamm contra la porta. Adèss che parli d'italiann, ona dei voeult che sont salida in su la metrò, on signor ben vestì al cui ghavevom giamò sentì parlà al telefono in italiann, me ghaveva faa ona domanda e praticament se l'è rispost da par lü (meno mal perché Madrid la cognossi no...) El faa l'è che quand semm andà in su la metrò, Salomé me domandava dei ròb su italian e mì le spiegavi, anca ghoo fa on quai commenti su la lèngua milanesa (podeva minga mancà) E el signor ghee guardava cont curiosità. Mì cercavi de evità de scompisciamm dal rid...

De sira semm andà a bè on quaicos cont on amis de Adrián, inscì che lü e Salomé el parlaven dell'esam e de cos collegà a quest. Mì seri mezz addormentada, mi se serraven i oeucc... E vabbè, poeu quand ghee semm saludà, i cos hinn andà minga ben del tutt: Adrián ghaveva mangià tropp in ona stazion de servizi e era minga in boni condizioni per guidà. Allora, ghe gheem fermà in ona stazion de Castiglia e León, e ala fin, gheem dovuu vanzà in on ostelli che ghavevem de là. De mattina, tucc stavom mej, allora ghemm continuà cont el percorsi de ritorni, a sbalzi e cont tanti fermadi. Semm rivà a Vigo ai 16.00. Ghoo imparà che l'autostrada che se ghaa de ciapà l'è la A52 e che besogna stà attent se se voeur mingà andà a sbalzi...

Lassa pur che el mond el disa..

2008-06-08T13:27:00.003+02:00

El cognoscevi no questa canzon de Giovanni d'Anzi, ma comunque l'è on consigli che gh'hoo de seguì... Tel chi el test...

Lassa pur che el mond el disa

Se sa che a parlà de Milan se fa minga fadiga,
cun tanti argument per i man el discurs el scarliga
ciapem per esempi i semafor che grand meraviglia
te par de vedè tanta gent a bala la quadriglia

Lassa pur ch'el mond el disa ma Milan l'è un gra Milan
porta Cica e la Bovisa e i d'intorni propi san
e la nebbia che belezza la va giò per i pulmun
e quand fiocca, che gioia gh'è el parco e i bastiun
per scià senza andà al Mottarun
fa nagott se poeu pieuv, andemm gio a tamburlun
in la pucia a pucià el panettun.

Se sa che a Milan gh'è in progett la metropolitana
però ogni dì stu prugett semper pu el se sluntana
in cambi num sèm che in pittura Milan la fa scoela
gh'è inturna domà cartellun de furmac Gurgunzola.

Lassa pur ch'el mund el disa ma Milan l'è un gran Milan
el Carrobi e la via Brisa el carett di ciapa can
se te ve sul Montemerlo par de vess a San Venssant
cosa l'è Montecarlo, San Remo, Menton
in confront de l'Olona e el Tombon
a Paris gh'è la Senna el Danubi l'è blu
ma a Milan ghè el Navili e poeu pùu.
un bel piatt de busecca con dent i borlott
un oss buss cont intorna el risott
un litrott de quel bon cont'on bel minestron
fan content ogni milaneson.

Voti!

2008-06-07T11:56:00.002+02:00

Sont contenta.

Sony stada promòssa su tutt. Quèst el voeur dì duu cos: Che podaroo passà on estaa tranquilla e che podaroo organizamm per el mè ritorni... El faa l'è che el so no anmò che faa de la mè vida (Specialment perché ghinn dei informazion che el so no indoe troval)

On noeuv capitoli?

2008-06-04T10:02:00.001+02:00

Magari sì.

Magari gh'avaroo de serrà on capitoli de la mè vida.

Magari la Viga gh'avaraa de morì. E torneroo a vess Anahí. Allora la profezia del buddista se saria compiuda.

Sèss e giavanada

2008-06-03T10:25:00.003+02:00

Se gh'hoo de vess sincera, el capissi no.

Capissi no a la gent che la va a "faa ona ciulada" semplizment perché sì, per sfogass, o per sfogà i lor frustrazion cotidiani.L'è completament ridicol. Ma per tanta gent el sèss l'è quest: On sfoghi. Ona scarega de energia.

Capissi no a la gent che la dis: "Ben, me sont faa ad on alter" e el vanza inscì felis. El sens l'è minga quèst. El sèss l'è on union, dal mè pont de vist, sacra. Gh'èe no on concètt de union pussee grand in del mond fisich. La frivolizazion probabilment la vegn da tanti fattori, tra quèsti, alcuni mezzi de comunicazion e la società istess, che varda al sèss come on element de manipulazion.

Per on'alter part, credi che ona dòna che la guarda minga tant cont chi la va, l'è onaincoscient. L'è incredibilment pericolos andass cont qualsiasi persòna per sèss. Anca ghavarien de responsabilizzass i omen, ma savom che in molti casi, quèst el capita no.

Perché se frivolizza inscì tant cont on argoment che significa avegh inscì tanti responsabilitaa?

Tv privada... come ta seet giovina...

2008-06-02T16:25:00.003+02:00

Me par faa simpatich pensà che quand sont nasciuda domà esisteven tre canali de TV: la televissioun pubblica: (La Primera la dervì in del 1956, e la 2, in del 1965) e la tv regional, la TVG, che cominciò i sò emission in del 1985.

In del 1990, (in riassunt, quand ghavevi 3 o quatter ann) vegnen a concors tr licenzi de televisioun. Finalment, i vincidori sont staa Canal +, Antena 3 e Telecinco.

Antena 3 ghee stada la prima, vist che i sò emissioun regolari comincien il 25 gennari de 1990, e vess el primm canal privaa che emetteva per tutta la Spàgna. La forma part del grupp Antena 3, insema ai dit de Onda Cero, Europa FM, Movierecord, Atres Advertising e A3Multimedia, inscì come la ditta Unipublic. Inscì la si presentava Antena3...

Canal + ghaa avuu ona concession special, vist che ghaveva emett obbligatoriament 6 or gratuiti, ma i permissen de trasmettè el rest de la programmazion in emissiouni codificaa. El 8 Giugn de 1990 comincien i sò emissiouni in proeuve, e el 14 settember, quei regolari. Pensi che tucc in Spàgna ghee regordemm de la sintonia de Canal +...

Gh'hoo lascià per el final a Telecinco, perché, gh'è domà ona frase che pod definì la sò stòria: La realtà la spuzza. Telecinco l'è stada la segonda in emett, el 3 de marz de 1990, come no, con quasi tutt el personal italiann, e cont on grand spettacol, basada in del format televisivi de Canale 5.

Gh'hinn domà duu dati curiousi da sottolineà.Per comincià, i omonimi tedesch e frances de Canale 5 gh'hinn no avuu la stèsa fortuna che Telecinco. Telefünf ghaa dervì in del 1988 e serrà in del 1992. Finalment, in del 2002, el grupp Tele München Gruppe la ridervì. Gh'hoo no ben capì i resoni de questi cambi, vist che la maggior part dell'informazion l'è in tedesch... E capissi no on nagott.

La Cinq, inveci, ghaa minga avuu tanta fortuna. La ghaa natt in del 1986 e la moeur in del 1992, in diretta, vist che anca se la programmazion gh'aveva ona bona quòta de spettatouri, el canal la registrava perdit e finalment, ghee stà dichiarà on falliment tecnich. El debit l'era de on million de franch, quindi, la lasciaron morì el 12 de april de 1992.

Un'ultim dato curios su la Telecinco, el canal spagnoeul, che l'è anmò viv, e che l'è infatti quèll che gh'ha pussee successi da ona para d'ann. In del 1989, Fininvest gh'aveva el 25% de la stazion televisiva, e inveci, da la sò uscida in borsa in del 2004 Mediaset Investimenti la possied ona percentual dei benefici de questa stazion da brivid: ¡¡¡50,13%!!! (Senza commenti, no??)

Al dì de incoeu, la tv la cresc inarrestabil. In del 2005 l'è nasciuda Cuatro, e in del 2006, la Sexta. Me foo ona domanda: serom pussee felis quand gh'eren domà tri stazion de tv, inveci de la quantità de canali che se poeuden ottenè adèss travers i tv digitali?

Promòss in cinès

2008-05-30T09:00:00.003+02:00

Sont stada promòssa in cinès (O mej, la professoressa gh'haa promòss a tucc)

Gh'hoo on 6,6 in del scolti, on 6 in de la audizion, un 6 in del scritt e on 8 in del oral, (el so minga se puu innanz gheel farà, ma quest'ann ghee no stada la proeuva de comprenssion scrivuuda né de relazion) Bisogna tegnì in cont che adèss, segonda la normativa noeuva, el 6 l'è la sufficienza e cont el 5 l'è no promoss, donca, quèsta normativa me influiss sia en cinès che in inglès, ma no in italiann.

Ben, on quaicos in men... La settimana che vegn vedarem che capiterà quand me dirann i voti de ingles e de italiann.

A proposit, el so no pussee che faa de la mè vida. Gh'è on FP (formazion professional) che me interessa, ma l'è on FP superior, e per fal, ghoo de faa prima on Bachillerato per adulti (In Italia, el Bachillerato l'è equivalent al terz e quart ann dei superiori, in del sistema educativi spagnoeul prima ghee la ESO che l'è obbligatoria fin ai 16, poeu se pod fa el Bachillerato (che l'è minga obbligatori) o un FP elemental) Andaroo a domandà, anca se in realtà mi crea on po di... el so no :D

Mina e Gino Bramieri in Cremonès e Milanès

2008-05-29T20:34:00.001+02:00

Bellissim :D

Sfògo a grandi dòsi

2008-05-28T22:20:00.002+02:00

Sto de merda.

- Saroo bocciada e ghavaroo de andà ai esami de settember, sia in italiann, ingles e cines.
- Me voeuren ruzà a studià on quaicos pussee, ma ghoo minga l'interess in su nagott.
- Vedi i mei obbiettivi artistich tant lontani.
- Sont a Vigo, in ona città a la qual nessun voeur vegnì a trovamm e in de la qual giamò me senti imprigrionada e tra gent estranea.
- Me manca Milàn e ghee poeudi no tornà.
- Nissun el capiss che voeuri tornà a Milàn.
- Sono stuffa dei mèi.
- Smmetti minga de pensà a Andrea N, e lü dimostra che el ghaa capì no on casu.
- Sont on inutil social.
- Sont ona malada mental.

Pizzica pizzica

2008-05-27T12:04:00.002+02:00

Ghoo appena vist che el departametn de Italiann ghaa pubblicà el videi complett de la pizzica pizzica...

Godettel! :D

Magari...

2008-05-27T09:15:00.000+02:00

Domà me vegn de cantà a la Madonina anca se sont no cristiana...

Oh mia bèla madonina,
che te brillet de lontan,
tutta d'or e piscinnina,
tì te dominet Milàn....

Si, vegnì senza paura,
num ve slongaremm la man,
tutt el mond l'è on grand paes a semm d'accord
ma Milàn l'è on gran Milàn!

ME MANCHET!

Incredibil...

2008-05-24T09:33:00.001+02:00

E l'è finì...

2008-05-23T00:00:00.002+02:00

E hinn finì i lezion uffiziali. Ora l'è el turno dei esami. I lezioni d'ingles e de cines hinn finì de una manera normal, ma minga quei de italiann.

In del aula de italiann l'è minga stà on grupp unid, ma duu bandi. Incoeu l'evidenza esplodeva. El band sollevaa el andava in del caffè a festeggià on fin cors, ipocrita e clandestinament. Inveci, i simpatizanti del "capitan" Fabio, rimaneven in del aula, rispettosa ed educadament, facend attenssioun ai so ultim spiegazion.

I tensioni in quest'aula eren evidenti, ma in dei ultimi tempi, se poteva taglià la tension cont on coltèll. Domà gh'eva on'orari de italiann, cont gainn e gufi. Quasi tucc donn, e l'ipocrisia era ovvia. El gioch d'ipocrisia l'è stà obbligatori durant tutt el cors. Sennò, potevi vess guardà mal.

E adèss l'è finì, anca se la nave l'è no rivada ad on bon port. Pensi che qualsiasi soldà gh'abbia obbedì al sò capitàn, o almen rispettal, ma adèss gh'hoo vist che minga tucc la pensen come mì.

Destinazion; Subitam Vel Repentinam Mutationem

2008-05-15T15:24:00.002+02:00

Ieri gh'hoo tirà su i man.

Sont andada a lavorà, come tucc i dì, ma sapevi che giamò l'eva minga l'istess.Ghe aveven passà al servizi clienti. Sont andada a pè, un alter voeulta, cont el mè mp3 in sui oregg. Sont entrada, me sont settada giò, e ghoo comincià a lavorà finche ghann passà de là. L'è stà terribil.

Dopu de alcuni ciamadi che pussee o men ghoo gestii, l'è rivada la crisi. Ciama una persona rabiada Ghaa la facevi no. Trovavi minga l'informazion. La gent se ne accorgeva no de che ghavevi besogn de ona man. Stavi inscì almen da quindes minuti. Potevi minga sopportà la presion de dovè fa tucc al temp. Quindi, finalment, gh'hoo no tegnì dur. Sont rimasta senz'aria ghoo minga poduu evità caragnà come ona stronza,i man tremaven. Volevi allontanà la mè coscienza, ma lè era lì.

Finalment, quando seri giamò distrutta (Come sa dis??) Me mandaron in ona sala. Duu figuri frecc e rigidi fingeven de capì quel che l'eva adrè a succed. Cercaven de calmamm e de famm tornà. MA i paroli seren careggià de ipocrisia. Domà voleven lavà i man.

Dopu, me ne sont andada, anmò intant ascoltavi musica. Domà ascoltavi ona canzon: Heart-Shaped glasses, deMarilyn Manson. L'è curios, ma l'è l'unich che me tranquillizza come on sedant quand sont ai limiti dell'autodestruzion.

Inoltre, due dei miei amici di Milano stanno scherzando col fuoco. Hanno fatto un viaggio e hanno detto per seconda volta "Alla prossima andiamo da te!" Se voleste venire, sareste già venuti... Non aspettate che io venga a Milano perché andate male.

Concentrada in dei mèi sògni

2008-05-13T22:52:00.002+02:00

Cominci a cercarà la manera de che i mèi sògni ciapen forma, e comincien a realizzass. Pensi minga inscì tant al temp, domà al obbiettivi, (come fann i pazienti buddisti) Ghoo pensà a molti dei mèi obbiettivi per quest ann quand l'è apena comincià, e in realtà, ghee provi. Pensi minga de arrendem.

Magari ghinn ona para de obbiettivi pussee importanti dei alter, el primm l'è tornà a Milàn. Ovviament, sont adrè a mett danee da part adèss che lavori, per ona part. Per on alter, sont adrè a cercà dei alternativi al pass per Madrid o Barcellona, e ghee on alternativa tant interessant, che l'è ciapà on autobus da Vigo fin all'aeroport de Oporto. Ghinn dei linei regolari de andada e ritorni da la stazion de autobus fin all'aeroport de Oporto. L'unich inconvenient el saria che ghavaria de andà foeura de la stazion de Vigo tante ori prima del voli... Almen tri o quatter, he,he.

L'alter obbiettivi important l'è el svilupp artistich. Adèss l'è on ciccinin fermi, specialment per la scoeula e i esami che ghoo tra poc (duu de cinès, quatter de inglès e cinqu de italiann) ma quand la scoeula la finirà, metteroo tutta la mè energia su quest.

Adèss semplizment speti. Speti, ma concentrada, a la fin dei lessiouni. Aspetti e sogni.

Alcuni foto

2008-05-10T22:34:00.001+02:00

Questi sont alcuni foto (Gh'hoo ciapà domà quèli nei quali mi si ved? de cammin a Toledo...

El rest sont in del album de Sonia, come de solit, hehe.

Ghaa reson on cert amis de quej de Milàn... Da quand ghee sont andada fin adèss ghoo avuu on cambi giamò spettacolar...

Come mi vedete? :D

La sessualità

2008-05-10T11:24:00.002+02:00

Ai méi 21 ann e mezz, l'è minga difficil accòrges de che la sessualità l'è on argoment completament tabù, al cui la gent varda anmò cont ona strana percezion, e la tratta no come quel che verament l'è, ona part de nunch, de la noster natura. Ghee impegnom in nascondel, nel pussee profond de nunch, per evità dei critich, perché se capisca no la noster irrazionalità quand, in teoria, semm animali razionali.

L'è curios anca, el fatt de che la maggior part de nunch semm bisessuali e el sèmm no, ma tendenzialment ciapom ona decission, magari incoscia. L'è minga colpa nostra, l'è inscì. Gh'è chi la dis che va contronatura, e inveci, el sa minga che l'è on comportament, che adrittura la capita tra i scimbi. E pensi no che lor se dedichen a riflett in su questi cos.

Gh'è chi parla adèss anca del boom de la omosessualità. L'è minga stada tale moda, el faa l'è che durant pussee de quaranta ann, almen in Spàgna, gh'hann dovuu nascond i lor idèi per pagura ai rappresagli...

Credi che in de la sessualità gh'è domà ona ròba da condanà, che l'è quand on quaivun obbliga ad on alter a faa quei che el vor no, specialment se l'è ona persona dèbol e indifesa. Ognidun ghavaria de vess liberi senza de vess criticà.

L'è giamò el moment de che ai tosann ghee toeun la etichètta de logi e ai omen quèla de virili.

L'è ona question de stress

2008-05-08T07:37:00.003+02:00

Sempar me l'è stada antipatica la primavera. In primavera, sont sempar stracca. Appart de vess stracca, sont sempar stressada. Motivi per lo stress ghinn tanti, gh'è el lavorà, la scoeula, la famiglia, la poca inspirazion e i mali fisich. Alter ann seri anca stressada per causa dei me emossiouni, ma adèss, con tutt quèl che gh'ho da faa pensi no tant in vaccade.L'è minga domà quest, anca la mè manera de vidè ai omen l'è cambià, e el mod de relazionamm cont lor.

Ier gh'ho dovuu de faa l'esposizion oral de italiann. La ghavevi giamò faa ritardà ona voeulta, e mentre la facevi, pensavi che morivi. La gh'hoo faa sui celti in Itàlia. Seri tant nervosa. La vos la tremava no, e neanca el corp (L'è stran, perché de solit quand sont nervosa tremen i man e ridi tant) I mè compagni la diseven che se seri nervosa se l'è capì no.

Quèst l'è el mè ultim ann de italiann. Per ona part son contenta, perché ghavaroo meno pesi ai mè spall. Per on alter part, ma dispias on ciccinin.Ovviament, ghoo minga voeuja de ripett cors :D Ma a la fin, come de solit, savii che quand on quai cos la finiss, alcuni situazioni se ripetten no. In questi cinqu ann d'italiann ghoo imparà tanti cos. La lèngu italiana me ghaa portà per cammini che ghavaria minga immaginà, e me ghaa regalà (e l'è adrè a regalamm) dei momenti allucinanti. Ghaa cambià tutta la mè storia...

Credi che el pesg l'è adrè a arrivà: L'ultima settimana de quest mes ghoo tucc i esami, (intorna a des) Quindi me toccherà centramm in su quest :D

Nemis

2008-05-04T03:25:00.002+02:00

Tucc ghemm nemis, gent che ghe complica la vida, o semplisment, ghe da fastidi che a lor el va tutt ben e a nunch no. Nessun de nunch la se libera de quèla personna fastidiosa che ghee pesta, e che par de faa tutt mèj e avegh pussee opportunità o de quèla personna che ghe invidia e ghee fa mal... o ghee proeuva.

Ma al istess temp, avegh nemis poeud vess on stimoli. On stimoli per lottà, per compètt, per migliorà. Magari avegh nemis l'è bon, vist che ghee fa sforzass pussee e fag varì... Quest iutta a on istess.

Quindi, ogni voeulta che vedaret i tó nemis pensag no: "Cammineroo de sora tì" Pensa domà: "El saroo mej de tì" E lavora per realizzà i tò sògni.

Cíes!!! (12/4)

2008-04-20T17:50:00.002+02:00

E tel chi i foto dei Cíes... Me sont divertuda anca se gheva frecc e anca ghaa piovuu :D

In dei foto gh'avii Salomé e mì, Susana gh'è no perché l'è stà chi ghaa faa alcuni dei foto. Alter el ghaa faa Salomé.

I Legnanesi

2008-04-17T06:25:00.001+02:00

Podeven minga mancà... Ma piasen on sacch!

E tel chi el Musazzi...Gh'hoo da di che ma piasen pussee Musazzi e Barlocco in comparazion cont Provasio e Dalceri, anca se ghaan imità tant ben i vos :D

Periodi stressant

2008-04-15T07:51:00.002+02:00

Sont en on periodi stressant del ann. Per ona part, ier sont stada mal al lavorà. Me ghann passada a ciamadi, e me sont sentuda completament inutil. A la fin, Me ghann mandà anmò a faa quel che facevi prima. Pensi che ghavaroo mania ai telefoni, ai programi e a Orange. Uff.

Per on alter part, la comincia on periodi stressant in de la scoeula de linguu. Ghemm de parlà durant on minut in cinès. (E mì el ghoo fa no anmò perché ghoo avuu minga del temp per preparal) E in italiann ghoo de faa ona esposizion oral. Credi che de 10 minuti. Comunque so giamò de che parlà: Parlaroo dei celti in Itàlia. Brugh e Iunthanaka me ghann passada on sacch de informazion de la Milàn celtica. Milàn. Me manchet tant. Te ami e te odi, ta seet el mè sogn e el me incubi, lagrimi amari de felicità... Ma torneroo anca se so che staroo in una situazion inscì tesa o pussee che quand sont andada...

Che ròb...

2008-04-06T11:47:00.002+02:00

Ier l'è venüü - praticament a sorpres- el second italiann a trovamm... Davide de Ravenna.... L'è adrè a faa el cammini de Santiago in bici, in realtaa l'è adrè a girà la Spàgna da on po', ma sapevi no quand arrivaria a Vigo. Impressioni? Beh, la dis che la gent galiziana l'è simpatica, ma a voeulte on po pensant... Me ghaveva dett che gh'è on popol che el ghaa piasuu tant (Adèss me regordi no qual.. pensi che l'è Celanova) e me ghaa anca dett che Vigo l'è pussee grand de quant pensava. Ah, e che in Galizia ghinn tropp salidi e discesi.

El tip del caffé indoe gheem ciapà on gelato el pensava che lu fudess on francès! Ussignur.. Me sont scompisciada perché quand Davide el ghaa savuu ghaa rispost in spagnoeul: "Ma no, guard che mi sont italian...!" e el tip se l'è mess a parlà cont lu in italiann. Beh, la gent de Vigo l'è inscì, curiosa :D

Comunque... Grazie a Davide per vegnì (El second... Se questo el dicevi, i romagnoeuli hinn tropp boni o tropp cattivi!) vedarem se ghee on quaivun che ciapa la terza posizion :D

La coltura nazional l'è minga la coltura de tucc

2008-04-05T10:38:00.003+02:00

Ier me sont scròcca de che in on certi sens sont on po' "leghista" quand gh'hoo vist che se stava a faa ona esposizion de la fera de April, chi a Vigo!!! Me l'è sembrà quasi on'invassion a la noster coltura. l'istess che ghoo minga nissun problema cont el sud dell'Italia, (appart ce ghoo conosciuu a dei personi del sud d'Itàlia che me ghaan minaccià de brutt) ghoo minga on quaicos direttament in contri dei personi del sud de la Spàgna, vist che conosci alcuni, ma se podaria di che alcuni cos me rompen i ball.

L'è on pes che ghemm de sopportà nunch i galizian. I topich. "Spàgna: tòri, flamenco, paella, cald". Questi frasi e frasi come "Vo in vacanz in Andalussia/in Valenzia" me rompen propri. Me spieghi: i tòri sì, hinn ona fèsta nazional, da vergogna. Chi in Galizia ghee domà ona piazz de tòri, o duu, e al massim se fann duu corride all'ann. Per fortuna perché l'è ona fèsta terribil, segunda mì. Magari la ròba pussee assurda l'è quel che significa. Alcuni indagini indichen che l'origin de quèsta fèsta e i circhi romani, nei quali il pagano Imperi Roman ammazzava ai primi cristiani. L'è ridicol el fatt de che se festeggia dai cristiani. I pagani de incoeu ghee diciarii diffensori dei animali e pensemm che questi cos hinn de vergogna in on paes "civilizzà".

Poeu: el flamenco. El flamenco l'è esclusiv del sud. L'è ona coltura che me tocca no, mì sont celtibera, che cavol me ne frega del flamenco? El flamenco ghaa origini arabi... E per quèli che pensii che i arabi ghaan conquistà tùta la Spàgna, ve diroo che l'è minga provà che sien rivà in Galizia, e neanca in Asturias o Cantabria, vist che ghee minga nessuna evidenza araba. Alora, on alter topic che borla giò.

La paella l'è on piatt valenziano. Ghoo minga on nagòtt in contro, l'è bon, ma i piatti trazidionali de la Galizia ghaan nagott de faa cont la paella... Anca se vabbè, chi ghoo de dì on quaicos, anca i spagnoeuli quand pensen in Itàlia pensen "pizza e pasta" senza de savè che ghinn pussee cos, e che questi hinn tradizional del sud...

Poeu... La Spagna l'è calda? La Spàgna l'è minga pussee calda che l'Italia Infàtti el clima l'è tant simil. Poeu, che ghaa anca on clima tant divers dipendend de la zona. Chi, in sull'Atlantich, la tendenza lè pioeuva e vent in alcuni periodi, e sol in altri. Adèss i temp hinn adrè a cambià, sì, ma l'è important el fatt de che hinn diversi. Credi che se ghavessi de viv al sud, moriria de cald, podaria minga sopportà rivà ai 45 gradi. Ve disi anca pussee... Ghee stada ona voeulta che semm rivà ai 38 gradi e potevi minga neanca alzamm... L'unica provincia de la region che podaria rivà ai 40 gradi l'è Ourense, ma l'è l'unica che l'è no in sul mar.

Gh'è on quai cos che me romp tant. A quant par, i andalussi quand pensen a la Galizia, pensen "ròba bona". L'è on po pussee "normal" perché la droga entra dall'Atlantich in tanti casi.. però... indove la finiss ona grand part??? Chi de cert ghinn minga dei zoni colonizzaa completament de la droga, e là sì.

Anca me romp on po chi fa i comparazion de la Galizia cont alter region del nord. La gent quand pensa al nord pensa domà a Catalogna e ai Paes Baschi... Perché?

28 marz

2008-03-28T11:06:00.002+01:00

Incoeu l'è 28 marz. Me pesa savè che ghoo on ann pussee da quand ghoo faa el viaggi al mè vess pussee irrazional, sottomess ad un caos metropolitan che mai ghavaria vivuu. Seri mì, o magari seri ona copia de mì. Esisteva minga puu la tosetta timida che passeggiava per i vii de Vigo, ma se era sveglià on animal che percorreva i vii de Milàn, che lassava ona metrò per andà su on alter. Che sentiva i
pèrfidi paroli de la gent che voeureva minga dà ona man, o che se lassava incantà da la gent che el faceva.

Ghavevi faa la brava in el possibil. Ma mi seri lasciada provocà, e mi seri abbandonà ai bracci che la mè mama pensaria che hinn de complett sconosciuti, ma segunda mì, conoscevi giamò tropp ben. Mi sont confusa de bracci e de laver. Magari l'è quest. El podarem minga savè. Anzi, el podaroo savè el dì che podaroo tornà. tant sarà cambià tutt, ma el sarà cambià on nagòtt.

El mè volt sera minga cambià, ma el mè nomm l'è diventà quel che saria on scandal per i mèi: La viga, Annie, Annarella, Annina. La tosa. La nana. Nòmm. Nòmm. Nòmm. Nòmm che chiamaven per ona cattivissima angela che la podeva no faa on alter che lasciass andà.

El diseven giamò i Mercanti di Liquore. Sotto all'inmondizia sta nascosta la magia. L'ipocrisia dei modisti che installen i lor negozi come se fudessen i Mc Donald's. El saveria minga che l'è pesg, ma me vegn da vomità quand on quaivun la domanda se a Milàn seri finì per la moda. Odi la moda. Ami el caos milanès. El caos milanès,e ami anca ai mè amis, anca se locchi, e pervertidi, cercaven de guardà che ròba ghe fudessi sott a la minigonna de la mè ment. Ghèe chi pensaria che el mè coeur l'è là sott. E se accorg de che ghoo cambià mutanda, ma minga sentimenti. Alora, se stupiss come on animal.

Me regordi de quei dì in attesa per podè incontrà gent, che purtropp era incasinada. Peccà de vegh minga incontrà Laura, per esempi, anca se probabilment la saria svèlta de quand sont lòcca. Magari sì. O magari no. L'è difficil arrivà al fond dei cos in ona settimana de salti.

Perdemm per Milàn. Me perdevi. Alora ghavevi de domandà a mila figuri strani che correven per ciapà l'ultima metrò del dì indove fudessi el Còrs Vittorio Emanuele. O anca indove l'era via Lippi. Chi sà. Quèl che contava l'era rivà, rivà da nissuna part. Ma tucc correven, domà ona professoressa che la andava cont calma me guidava on ciccinin e anca me dava trà. Galiziana? Bèla sorpresa. Le era piassuu tant Santiago de Compostela. Dopo de avegh combinà on disaster perduda per i vii de Milàn, me ghaveven avvertì de perdemm no per segonda voeulta fin ad arrivà a Lambrate, perché ghaveven pagura che mì andassi foeura de la città. Andaria minga foeura de la magia gris. Addiritura l'ultim dì ghoo bagnà el lètt de lacrimi disperà perché voeurevi minga andà foeura de Milàn. Volevi imprigionamm lì, e tornà no a la mè città in sul ocean... E dormì no. Sentì el caos. Amà el caos.

Imparavi tucc i dì on quaicos de noeuv. E adèss ghoo imparà che ghoo de tornà per dimostrà che sont la Annie, la Viga, la tosa, la nana. Sì, sont mì. Anca se on quaivun la diria che sont minga l'istess. Sont pussee birichina. Sont pussee milanesa.

Se capiss che avegh lett Pinketts me ghaa fatt ben. Ma piasen i lingu acuti, ma me piasen pussee anmò i man acuti. Quei che me legg spess savii che era da tant che riuscivi minga a scriv on quai cos del gener. Era da tant che leggevi minga on quai cos de compless. Compless come Pinketts. Magari l'è compless perché l'è on sempliz milanès. Ma on attent ispirador. Quèst post infàtti, el ghoo scritt grazie a luu. E grazie al mè prof, che mel ghaa consiglià. Anca se quand me domandarà del liber el so no che podaroo dì. Magari me perderoo en ona giungla de paroli che ghoo appena faa in quest post.

Doman pubblicheroo i piccoli noti che ghavevi scritt quand seri a Milàn... :D

Vigo

2008-03-27T09:20:00.001+01:00

E questa l'è Vigo... godevv el videi!!!

Milan

2008-03-27T09:17:00.001+01:00

Me sont emozionada quand ghoo guardà quest videi e ghoo ricordà tutt le mè esperienzi...

Sògni..

2008-03-18T19:18:00.002+01:00

Quei dì indrè ghoo sognà on quai cos de curios.

Sì, seri mì. Seri vestuuda cont on abit blu, che me andava benissim. Tant formal. I cavei seren mess ben, in on scignòn. Truccada, e portavi ona ventiquattrore nera. (No, ghavevi minga rubà in banca...)

Correvi come ona lòcca per i vii de Milàn. Correvi, guardavi l'orologgi. Seri in prèssa. Tanta prèssa. Sont rivada fin ona fermada de metrò e sont andada giò volada. Propri in quel moment, perdevi la metrò che ghavevi de ciapà. Ghoo spettà cont pazienza fin l'arrivi de quèla dopu...Sont andada sò in pressa. Poeu, quand seri denter, ghoo cercà de calmamm on po. Seri in ritard. Ma mancava poc. Finalment, sont andada giò de la metrò e sont corsa. Sont corsa come ghavevi mai cors in de la mè vida, fin on post che sembrava on uffizzi. Sont entrada.

Tropp tard. On grupp de signori, che seren tucc seduu intorna ad un tavol, sont rimast a guardamm. Alcuni de lor cont on sorris, altri cont faccia de dì: Indoe te seret perduda??" Uff...